做完甘露酥，用淨左少少紅豆餡，見得番咁少又做吾到d乜，所以就用左佢嚟整蛋糕啦（明天做早餐）！
呢款蛋糕除左可以蒸，仲可以焗。最後，我揀左焗，因為我比較鍾意香口。今次仲試埋分蛋法，感覺比全蛋難拌勻（麵糊好杰），所以下次都係用番全蛋法會好D。
材料：
低筋粉 90g
雞蛋 3隻
砂糖 60g
菜油／牛油 30g
紅豆餡 隨意（我用左70g）> 紅豆餡做法
做法：
- 全蛋法：室溫雞蛋加砂糖，用電動打蛋器打至乳白厚泡沫狀（紋路可保持3秒以上）。
- 分2次篩入低筋粉拌勻，取出小量蛋糕糊與菜／牛油拌勻，然後再倒回蛋糕糊內拌勻。
- 將蛋糕糊倒入蛋糕模內至半滿，然後放入一片紅豆餡，再倒入蛋糕糊至8成滿。
- 蒸法：大火隔水蒸15分鐘至熟
- 焗法：放入已預熱180度焗爐，焗20-25分鐘。
示範分蛋法：
首先將蛋白打至硬性泡沫
蛋黃加砂糖打至乳白厚泡沫狀
加入菜／牛油拌勻
低筋粉過篩一次
將低筋粉分2次加入蛋黃糊內拌勻
再將蛋白霜分2次加入拌勻
將蛋糕糊倒入模具至半滿
將紅豆餡按扁
放入蛋糕糊面
再倒入蛋糕糊至9成滿
放入已預熱180度焗爐，焗20-25分鐘。
