已經有半年冇整叉燒啦！原因係買吾到啱梅頭，所以令願吾做，免得嘥時間兼嘥心機。如想食到好味道嘅叉燒，其實一Ｄ都吾容易。首先由買舊靚梅頭開始，然後就係時間啦！最重要當然係心機啦！
依家出街買到嘅叉燒，多數都係冰鮮豬肉，都要賣$90-100斤。如想食新鮮豬肉做嘅叉燒，吾係話冇，只係比較難，而且仲好貴，要$150-180斤呀！
尋日同阿女撑完檯腳（食早餐），見時間尚早，所以去街市走一趟，睇吓仲有冇緣遇到舊靚梅頭啦！好好彩，仲有一舊，於是我就叫豬肉佬切左兩斤比我啦（淨番尾瘦果舊吾要）！
依家出街買到嘅叉燒，多數都係冰鮮豬肉，都要賣$90-100斤。如想食新鮮豬肉做嘅叉燒，吾係話冇，只係比較難，而且仲好貴，要$150-180斤呀！
尋日同阿女撑完檯腳（食早餐），見時間尚早，所以去街市走一趟，睇吓仲有冇緣遇到舊靚梅頭啦！好好彩，仲有一舊，於是我就叫豬肉佬切左兩斤比我啦（淨番尾瘦果舊吾要）！
提提大家，吾係全部梅頭都啱做叉燒，因梅頭都有肥有瘦。重點係切嘅方法，豬肉佬一般都會將舊肉橫切，咁係錯架，其實應該係要直切架。橫切雖然係有好多油花，但當焗完之後，油份就會消失，切片後會見到順紋，所以食落會又嚡又乾。相反直切的話，會見到肉係順／直紋，中間仲間住一條條肥（直條），即是一間肉一間肥，當焗完切片後，會見到肉係逆紋，所以食落會又鬆又軟。
想鬆軟當然要下Ｄ功夫啦！因梅頭肉比較結實，如果跟一般焗法，肉質會比較有彈性，有趙口。所以我比較鍾意慢煮方法，因叉燒做出嚟會比較淋滑鬆化。
要食就吾好懶啦！首先早一日做足準備，然後將肉醃一晚，跟住第日就慢煮3個鐘，再焗就得啦！每個步驟都好講心機架。可惜，食嘅人永遠吾會感恩，亦吾會明白做嘅人有幾咁用心呢！
想鬆軟當然要下Ｄ功夫啦！因梅頭肉比較結實，如果跟一般焗法，肉質會比較有彈性，有趙口。所以我比較鍾意慢煮方法，因叉燒做出嚟會比較淋滑鬆化。
要食就吾好懶啦！首先早一日做足準備，然後將肉醃一晚，跟住第日就慢煮3個鐘，再焗就得啦！每個步驟都好講心機架。可惜，食嘅人永遠吾會感恩，亦吾會明白做嘅人有幾咁用心呢！
今次用左半樽百花蜜（之前BBQ用淨）
材料：
梅頭 1 Kg（約10"長 x 1"厚）
生粉 8湯匙
水 少許
醃料：
砂糖 5湯匙
幼鹽 1湯匙
雞粉 1/2湯匙
海鮮醬 2湯匙
蠔油 2湯匙
芝麻醬 1/2湯匙
生抽 1/2茶匙
老抽 1/2茶匙
乾葱茸 1/2湯匙
蒜茸 1茶匙
紹興酒 1/2湯匙
雞蛋 1隻
生粉 2湯匙
掃面：
百花蜜／麥芽糖 半豌
做法：
- 梅頭沖洗乾淨（不須瀝乾），加4湯匙生粉撈勻，醃4小時（放入保鮮盒存雪櫃）。
- 4小時後，取出沖洗乾淨（不須瀝乾），加4湯匙生粉撈勻。
- 將全部醃料拌勻，然後放入已撈生粉的梅頭撈勻，放入保鮮盒，存入雪櫃醃過夜。
- 取出梅頭，放入耐熱密實袋（汁留用，放雪櫃），袋口向上，小心慢慢放入水裡面（不要入水），將袋空氣排出，最後將拉鏈收口。
- 將整袋放入深鍋（70度水，水要蓋過肉面），袋口向上露出水面，用夾夾實。
- 將鍋放入水波爐，以70度蒸氣蒸煮3小時。
- 完成後，從密實袋取出梅頭（袋汁吾要），梅頭放上烤架或焗盤，掃上醃汁，放入已預熱240度焗爐，焗15分鐘。
- 取出反轉，掃上醃汁，再焗15分鐘。
- 取出掃上百花蜜或麥芽糖，放回240度焗爐，焗5分鐘。
- 取出反轉，掃上百花蜜或麥芽糖，放回240度焗爐，焗5分鐘。
- 取出掃上百花蜜或麥芽糖，用Grill模式每面焗4分鐘。
- 出爐後，待放暖切件即可。
買梅頭最緊要揀啱舊肉，仲要係切啱。記住要直切，千奇吾好橫切。
呢條有半舊比較瘦，不適合做叉燒，可用來滾湯或煮餸。
加生粉及少許水拌勻（醬狀），醃4小時（存雪櫃）。
*作用：去血味，令肉質更軟滑。
下面呢舊係冰鮮梅頭，錯嘅切法，認住千奇吾好買錯（橫切）。
睇吓，焗完就係咁樣啦！又乾又嚡呀！
可參考：低溫慢煮秘製叉燒