紙包蛋糕

星期五暴雨關係，搞到冇得出街，所以諗住整個雲石芝士蛋糕食吓。首先預備（焗定）個海綿蛋糕（做夾心層），然後再搞個消化餅底。點知.....人算不如天算，d消化餅竟然過左期囉。澳賣割（OMG）！最後唯有放棄啦！好彩D蛋糕可以齋食啫，哈哈！

最意想不到，原來阿仔鍾意食海綿蛋糕架，因為佢一口氣食左3/4個呀！哈哈。阿仔話今次個蛋糕好夠蛋味，似食緊紙包蛋糕喎，仲話好食過戚風蛋糕好多添。其實又冇咁好味呀！只係冇加奶，同埋用左牛油啫。好啦！見佢咁捧場，就整多D氹吓佢啦！等佢一陣放工返嚟有消夜食啦！

海綿蛋糕 ＞ 食譜及做法

＊紙包蛋糕可添加1/2-3/4茶匙雲呢拿油

焗紅豆西米布甸

上次整燒餅淨番5粒紅豆餡，得咁少都吾知整乜好。本來打算整糯米糍，點知冇糕粉，又冇椰絲，唯有再諗過啦！跟住諗到可以整豆沙包，但又好似太少喎，唉！咁整乜好呀？！

叮！整布甸咪得囉，少少地，夠整5杯呀！啱啱好，一人一杯，就咁決定啦！

柚子牛油蛋糕條（少油少甜版）

星期日去「樓上」買左兩樽柚子蜜，諗住飲得又食得，喂喂喂，吾好誤會呀！當然吾係就咁食啦！係用嚟整蛋糕食咋。哈哈。

今日早左返屋企，見姐姐未開始準備晚飯，所以我咪可以開擅囉。由於第一次用柚子蜜做蛋糕，所以甜度控制吾敢太重手，好彩好彩，成品甜道啱啱好呀（少甜）！