屋企部水波爐已壽終正寢啦！快速換左部惠而浦4S，因為要趕住蒸賀年糕。
其實水波未壞前，我已有留意4S，所以先可以咁快手，吾洗再嘥時間左揀右揀咋。
6/1買機，今日就可以到手，算快啦！仲要係新批次，新款焗盤呀！（聽講舊款焗盤會鎅爛爐口膠邊）
收貨時，要留意包裝盒有冇撞凹，然後再小心打開，檢查機身及配件有冇花或凹。如冇問題，就將焗盤連烤架，全部放晒入爐，開始消毒（30分鐘）。完成消毒後，放涼一陣，就可以抹乾淨內窿（少許水積），同洗淨焗盤及烤架。
急不及待，即刻試吓部機先。初試4S，感覺比水波容易操作，而且模式亦簡單易明。暫時對4S都幾滿意，等試埋蒸糕同焗蛋糕，就可以比個詳細報告大家啦！
如加配原裝烤架，一個$199。
＊烤架質量都吾錯＊
吸水海錦
消毒模式進行中，蒸氣110度30分鐘。
急不及待焗雞翼，預熱210度。
預熱模式
預熱後再選上下火加熱風（開門後溫度會跌10-20度）
上下火加熱風焗左20分鐘，肉質Juicy。
繼續試: 蒸焗200度15分鐘
上下火加熱風200度5分鐘，反轉再3 分鐘。
肉須軟滑又juicy
