當年今日，無厘頭開左個粉絲專頁，估吾到竟然有這意想不到的收穫，成績實在令我驕傲和振興，冇辦法吾比個like自己呀！哈哈。
大家估吾估到我點解要開專頁呢？話說我英國嘅妹妹，見我平時咁愛整野食，所以佢經常會叫我放上網賣，又push我開個blog，等人搵吓我做代言人，幫人做推廣，賺吓廣告費或贊助等等。仲話我寫中文，佢幫我翻譯英文添，好想好想搞大佢咁（妹妹咋）。但我其實一直都冇打算將自己製成品出售，只是自娛啫。更加冇諗過有人會找我做代言添。
不過開Blog我真係吾識搞，亦冇乜心去搞，鬼叫我係電腦白痴咩！嗚嗚嗚！其實我本身係好怕煩，吾鍾意諗野，怕諗得多會傷身呀！哈哈！同時亦吾想凡事要求人，因我為人心急，話要即要吾等得，所以喜歡靠自己，親力親為。最後，我只係開左個頭，就被嚇怕失蹤了，嘻嘻！跟住咪Hea左響度囉！
於是我就盲蹤蹤走左去Facebook發展啦！學人開左個粉絲專頁，並由當時「烹飪」轉為現在的「個人部落格」了。真係從冇諗過，亦冇估到可維持到今日呢！
激發我有衝動開頁嘅最大原因，係由我被趕出一個麵包谷開始。被Delete嘅原因就無謂多講，只怪小人（管理員）當道，可能我太受歡迎，搶了她的風頭吧，哈哈。不過這小人亦難途一刧，害人終害己，最終都係out 。雖然谷主有邀我吃回頭草，不過我的心已碎，亦吾想再受傷害。（始終人地個場，吾係自己地頭。）
激發我有衝動開頁嘅最大原因，係由我被趕出一個麵包谷開始。被Delete嘅原因就無謂多講，只怪小人（管理員）當道，可能我太受歡迎，搶了她的風頭吧，哈哈。不過這小人亦難途一刧，害人終害己，最終都係out 。雖然谷主有邀我吃回頭草，不過我的心已碎，亦吾想再受傷害。（始終人地個場，吾係自己地頭。）
自始之後，我就忘記過去，重新振作，的起心肝，立定志向，建立一個屬於我嘅「煮埸」。自此之後，我立即升呢，變了CEO，管理員，同埋唯一控制員。以後講乜post乜冇難度。回想起，我有今日真係要多得果位管理員添。
講番個Facebook專頁，係就係方便啦！不過想搵野果時，連我都覺得頭癢。有時要搵其中一樣食譜時，真係要由頭碌到落尾架。最慘係一個吾好彩，仲搵佢吾到添。
所以由2016年3月開始，我就記起有個Blog，於是我就從投它的懷抱了（吃回頭草）。我一步一步慢慢再研究、嘗試、探索和設計。由日到夜，由夜到日，不停捕住部電腦。為左個Blog，將我原來嘅正常生活搞亂晒，除左冇得睇電視外（好彩冇野好睇），仲連覺都瞓少好多呢！所唯萬事起頭難，真係冇講錯架。
搞吓搞吓又運作左個幾月啦！一切也總算順利。相信FB專頁很快就會衝出一萬個讚，而Blog也會突破十萬瀏覽量。能夠在這短短的日子裏，累積到咁多支持者愛戴，真的令我超興奮。
最後，再次多謝大家，記住要繼續追蹤我呀！
所以由2016年3月開始，我就記起有個Blog，於是我就從投它的懷抱了（吃回頭草）。我一步一步慢慢再研究、嘗試、探索和設計。由日到夜，由夜到日，不停捕住部電腦。為左個Blog，將我原來嘅正常生活搞亂晒，除左冇得睇電視外（好彩冇野好睇），仲連覺都瞓少好多呢！所唯萬事起頭難，真係冇講錯架。
搞吓搞吓又運作左個幾月啦！一切也總算順利。相信FB專頁很快就會衝出一萬個讚，而Blog也會突破十萬瀏覽量。能夠在這短短的日子裏，累積到咁多支持者愛戴，真的令我超興奮。
最後，再次多謝大家，記住要繼續追蹤我呀！
26/4/2015
25/4/2016
