舊年中秋前後，買落左好多月餅模同花片，又大又細，加加埋埋，有成十幾個模同五六十片呀！真係吾講得笑，太瘋狂了（好彩只係有限錢咋）。
雖然有排都未到中秋，但見烘烤店已返左新貨（桃山月餅皮同月餅餡），咪幫襯買幾包十卜吓囉，順便試埋未試過嘅新花囉！
首先示範個紅酒豆沙月啦！紅酒皮配豆沙餡，不但靚爆鏡，而且仲好好味添，呢個組合都算得上最佳拍檔。
材料：（10個*50g模）
桃山餅皮（任何味道）200g
餡（任何味道）300g
做法：
- 將餡分割每粒30g，搓圓。
- 將餅皮分割每粒20g，搓圓，按平，包入餡，收口，搓成圓柱形（細過模口，方便放入）。
- 餅模內灑上高粉，再將多餘粉凳出，放入月餅麵團。
- 將模（連月餅）放上焗盤，向下按壓一下，停留3秒，脫模（模要垂直，否則餅會斜/變形）。
- 預熱焗爐170度，餅面噴水，然後入爐，焗5分鐘。
- 開爐門，拉出焗盤，再噴少許水，調低爐溫160度，再焗3分鐘。
- 再開爐門，拉出焗盤，再噴少許水，再焗3分鐘。
- 出爐後，放上烤架放涼。
貼士：
- 餅皮不要按太大塊，包裹2/3餡就啱。利用虎口位將餅皮一邊轉一邊推上，然後收口。這做法餅皮才會貼餡，不會皮與餡之間有空隙。
- 可在月餅面蓋一張牛油紙（衛生D），然後攤凍一晚，第二日包裝，這做法可以減低因心未夠凍而包裝引致發霉。
豆沙餡（今次比之前用的深色）
紅酒皮
入爐前
出爐後（左上一同二因包入太淋餡料，所以焗時爆裂開。）
呢兩個刻字花片都好明顯，吾知做奶黃月餅會吾會一樣咁靚呢！
