今日終於試左麥提莎醬啦！味道都OK，但就吾值$42/200g咁貴囉，都係食番一粒粒麥提莎好過。
之前聽有粉絲話用嚟做包，但焗完Ｄ脆芯變淋左吾好食。而我由貫果日開始，就一直打算用嚟做糯米糍餡，其實做糯米糍同冰皮都係差吾多啫，乜佢地吾係姊妹嚟咩？嘻嘻。
記得好多年前，曾經上過冰皮月餅班，但就一直都冇溫習過，原因係乜？係我覺得吾好食。其實學完果堂，試完製成品，真係冇衝動想再做。其實最大問題應該係間學校個食譜吾得。
事隔多年，印象中好似再做過兩次（冰皮月餅），不過只係用預拌粉咋！今日之所以再接受挑戰，全因為樽麥提莎醬囉。講真，d醬其實吾太適合做餡（用粒裝好d），因為太淋/瀉，好難包，都係留番嚟搽麵包/餅算啦！
講番自製果冰皮先，個皮除左比預拌粉平之外，仲好味好多添，簡直令我對自製冰皮完全改觀呢！
因為餡太瀉，所以造型麻麻地，下次用番杰／挺身d餡，效果一定會好好多。
材料：（20粒 * 25g模）
低筋粉 12g
粘米粉 25g
糯米粉 30g（我用李祥和）
砂糖 25g
煉奶 15g
牛奶 120g
菜油 5g
手粉（已烘糯米粉）
*不同牌子糯米粉會有不同吸水性，要自己調較水份，最好跟我用李祥和，比較好食。）
做法：
將全部材料攪勻，然後過濾一次，倒入淺盤，大火蒸20分鐘或至熟。
出爐後用麵包刮刀刮出麵團
再用手（戴膠手套）搓成一團，用保鮮紙緊貼包好。
麵團平均分等份（12g)，包入餡（13g），然後收口再滾上手粉。
月餅模內灑上手粉（多餘凳出），放入一粒麵團，在檯面輕按模具（保持5秒），然後脫模。放冰箱冷藏，食前取出回溫15-30分。
