日式芝士蛋糕

自從阿女飛左之後，我已再冇動力去做甜品啦！一來屋企冇人恨食，二來自己又懶底，所以咪冇交功課咁耐囉。

但為了要消滅雪櫃舊半K忌廉芝士（10月到期），所以懶都要做吓野啦！吾想嘥左舊芝士啦！今日仲有樣好特別嘅，就係5隻蛋裡面竟然有2隻係孖黃，所以變左7黃，不過吾洗驚，孖黃其實加埋都係等於一隻黃啫，哈哈！

材料及做法：（日式芝士蛋糕做法）

準備所有材料

蛋白加砂糖打至企身

芝士打滑後，順次序加入牛奶，糖霜，粟粉，蛋黃打勻。

分兩次拌入蛋白霜

模底及四邊，掃上少許牛油，然後鋪上牛油紙。

將蛋糕糊倒入模，再將模放入深盤內，然後注入滾水（浸至模高度1/3）。

放入已預熱190度焗爐，焗15分鐘，取出模，將深盤水倒走，放回模入深盤內，調低焗爐120度再焗30分鐘。