中秋前響材料店買嘅脫水牛油已經用晒啦！之前聽到有粉絲話脫水牛油有反式脂肪，又話吾健康等等，所以我又試吓自家製啦！
禽日去材料店入貨，同老闆傾開中式酥皮做法，跟住老闆就教我用新款做法同手法，仲叫我自製脫水牛油添。所以今日就即管試吓自製啦！
自製脫水牛油原來超簡單，仲無需技巧呢！材料簡單，只需一舊無鹽牛油就得啦！
簡單介紹：
「脫水牛油」又稱「無水牛油」，亦稱「酥油」。原理係將無鹽牛油中的牛奶及水份與脂肪分離，只留下顏色金黃，清晰及純淨的牛油脂肪，這就是「脫水牛油」。
脫水牛油的優點是保存期較長，霧煙點較高，而缺點是味道不及傳統的牛油香醇及風味。雖然如此，相比其他種類的油脂，脫水牛油仍具有特殊的奶香。
材料：
無鹽牛油 1磚
做法：
- 將牛油切粒/片，開最細火慢慢煮溶，全程無需攪拌。
- 當完全溶化後，可以轉中小火，煮時牛油表面會浮出白色泡沫，用匙舀走泡沫，直至冇再浮出泡沫，熄火。
- 靜止幾分鐘後，白色乳清會沉澱煲底，清牛油會浮上面。
- 小心慢慢將清牛油倒入玻璃容器內（不要倒入白色乳清） 。
- 放涼後可存入雪櫃，只需下次使用前取出適量回溫就可以。
- 白色乳清可以當牛油用來做麵包，不浪費。
舀起的泡沫不要
清牛油
沉澱的白色乳清
