木糠布甸

好多人買忌廉嘅時候，都會揀買大，因為會比細抵好多（$18/200ml，$45/1000ml）。但買左返屋企，又往往用吾晒喎，到最後都變晒大嘥鬼。而我話晒都係一位精明C奶，又點會咁浪費呢！

其實除左做蛋糕甜品外，忌廉仲有好多用途，例如乜乜忌廉湯，卡邦尼意粉，白汁雞皇飯等等。而我今次就會用嚟整一個超簡單，又易做，又快趣嘅甜品『木糠布甸』啦！

吾知大家鍾意邊隻牌子淡忌廉呢？我通常都會在烘烤店買，但牌子選擇吾多，來來去去都係總統、安佳或塔牌等等。今次好特別，終於可以吾同啦！因為買到Isigny淡忌廉呀！

個人喜好，我吾鍾意總統，亦吾鍾意安佳，至於塔牌，都係冇得揀之下揀咋。第一次用Isigny，價錢好合理，味道係好過晒以上講幾個牌子添。點解我吾鍾意果幾隻牌子？因為怕佢酥囉。

材料：(8杯100ml)

消化餅　　100g

淡忌廉　　200g

雲呢拿油　¾茶匙

煉奶　　　40g

做法：

1. 消化餅打碎備用
2. 淡忌廉用打蛋器打至7成企身，加入煉奶及雲呢拿油，再打至企／硬身。
3. 然後放入唧袋，唧袋剪5mm開口，打圈唧一層忌廉入杯底，然後加入半湯匙餅碎（搖平），重覆以上步驟直至完成。
4. 將布甸放入雪櫃，雪兩小時以上即可食用。