今日好開心被德國寶邀請出席『奶黃月餅工作坊』，地點雖然遠Ｄ，但好在有巴士直達咋。今次場地係土瓜灣德國寶專門店嘅開心廚房，廚房非常舒適，佈置白色為主，好簡潔優雅。而工作人員態度十分友善，就連JP都出埋嚟同我地逐個打招呼，然後再親身帶我地參觀陳列室，仲影埋大合照（課堂前後）添，一Ｄ架子都冇。
今日玩得好開心，有得玩，有得食，仲有禮物收，超級正呀！最。最。最開當然係得到老師同其他參加者嘅激讚啦！不過我真係又做得幾好嘅，抵我比人讚。哈哈。
講真，我咁大個女都係第一次用光波爐咋，原來爐仔細細，但表現一Ｄ都吾會比焗爐遜色，真係好適合一般小家庭。
德國寶御用教煮
入爐前（用淨麵糰吾好嘥，整埋曲奇）
出爐啦！完全冇裂冇爆，簡直喜出望外。（連老師都讚我做得最靚，開心死。）
