阿仔同朋友過澳門玩左兩日，竟然會買手信返嚟。佢買左一袋X記金桃酥，仲有一袋肉切杏仁餅添，因為佢朋友話好好食，所以佢咪趁熱鬧買埋一份囉。
幾年前，曾經有位同事都話過好好食，仲請我食過添。印象中，當時係覺得冇特別，仲吾覺得好味。但今次再食，好似同上次有d吾同，好似比之前好左。
所以我咪研究吓究竟係乜材料囉，不過上網搜尋後，都係搵吾到有關食譜。於是我咪唯有估估吓囉。首先，我覺得個外層似合桃酥，而餡就似老婆餅個餡。
好彩屋企有班白老鼠，我至敢膽粗粗嚟個實驗咋，應該吾會太難食掛，哈哈！因為今次係實驗性質，所以吾敢做太多，做幾個試吓先啦！
食後感：雖然冇100%像真度，但都已有六七成相似啦！
餡：（15粒）
糖冬瓜 45g
砂糖 32g
糕粉 30g
固體菜油 17g
飲用水 50g
- 糖冬瓜加熱水浸泡10分鐘，然後隔去水。
- 將糖冬瓜，砂糖及飲用水放入攪拌機內，攪拌成蓉。
- 將冬瓜蓉，糕粉及固體菜油拌勻成團，平均分割15份，滾圓放入雪櫃備用。
餅皮：（15粒）
低筋粉 90g
黃糖 50g
固體菜油 60g
蛋 半隻
梳打粉 1/8茶匙
臭粉 1/8茶匙
餅面：
合桃 10粒（一開二）
蛋黃 半個
做法：
- 將全部材料拌勻成團
- 平均分割15粒，搓成圓球。
- 餅面放上一粒杏仁，然後向下按。
- 餅面掃上蛋液，放入已預熱200度焗爐焗5-8分鐘，見到潟開就可調低溫度，160度焗10-15分鐘。
＊單做餅皮，就是合桃酥。如包入餡就變成金桃酥了。
糖冬瓜加熱水浸泡10分鐘
將糖冬瓜隔去水，放入攪拌機，加糖及飲用水，一同攪拌成蓉。
糖冬瓜蓉
糕粉
糕粉及固體菜油
倒入冬瓜蓉，拌勻成團。
然後平均分割等份
將餅皮材料全部拌勻成團
平均分割等份
以下是合桃酥，沒有包餡。
左面一行是金桃酥
