想自家製到一舊靚叉燒，可以說易不易，說難不難。因好多時，大家都會以為好容易（如果吾講究的話），但對我嚟講，真係吾係易事。
記得第一次焗叉燒，雖然買到舊自以為好靚嘅梅頭肉，點知焗完出嚟，又嚡又乾，搞到比屋企班奄尖又嘴刁嘅食家（大老爺，大少，大小姐）彈到上天花，踩到落落地呀！
自此之後，我並無放棄，而且仍繼續試。直至到第三次，終於比我研究到原因，開始識得去選肉，選吾啱令願吾做，千奇吾好夾硬買，夾硬焗。雖然買啱肉，但都要煮法配合，所以我繼續再研究煮法。試過幾種做法後，最後，我發覺都係慢煮方法最好，又淋又滑又juice。所以，我以後都會用慢煮方法嚟做叉燒啦！
為左令大家可以買到啱嘅梅頭，所以今朝9點，我就特登去街市一趟，希望見到靚梅頭，可以影到比大家睇吓。雖然好彩比我見到，但第一刀就比人買左，所以今次呢舊比較短D，但都冇影響嘅。
原舊梅頭
＊約三斤重＊
認住第一刀位置同方向
＊頭係第一刀，尾係瘦梅頭＊
千奇咪切錯，吾好橫切，橫切就錯啦！
首先，將瘦果部分切走吾買。
淨低呢舊有兩斤多D（$133／$60斤）
＊今次呢條比較短（約7/8"）＊
記住叫豬肉佬直切，切1"厚。
＊如果可以，我會吾買第5部分。＊
切開，由下至上：1，2，3，4（5冇入鏡，豬肉佬話瘦吾好影，哈哈。）
平放比大家睇得清楚D
＊上左起：4，5＊
＊下左起：1，2，3＊
3號
2號
1號
4號，有少部份偏瘦，可以用嚟做叉燒包。
5號，比較瘦，可以留起煮其他。
