水果酵素

上次同大家分享過浸梅酒，係咪好好玩呢？不過要等半年真係好難忍呢！其實係講我自己啫。因為我份人比較性急，所以要我等咁耐真係好辛苦架。哈哈！

不過都有Ｄ吾洗浸咁耐嘅，之吾係「水果酵素」囉！今日就等我同大家介紹／分享下啦！

水果酵素其實都好容易做，佢除左味道香甜外，仲有好多益處架。睇書話水果酵素可以改善體質，促進新陳代謝，又有助排出體內毒素（樣都靚Ｄ），仲有仲有。。。可以改善便秘呀！

大家可以浸自己鍾意嘅水果，蘋果，木爪，奇異果，火龍果，諗得出都得。其中有幾種水果要特別推介，一）菠蘿：抗炎、袪濕、幫助消化、舒緩喉嚨痛。二）雪梨：促進心臟和血管健康、排出體內毒素。三）火龍果：補血、抗衰老。仲有好多好多，講吾到咁多，吾好懶，自己上網搜尋吓，因網絡資訊實在太勁啦！

今次我就一次做左兩款味道，有雜果酵素和菠蘿酵素。

材料：
玻璃樽　　　　1個
任何水果　　　1000g
碎冰糖／黑糖　350-500g（視乎水果甜度）
檸檬（切片）　3個

＊如超過十款水果，便需要浸兩個月以上才可以飲用。

早一天前準備：

玻璃樽用熱水煮15分鐘消毒，然後徹底風乾。

做法：

首先準備好所需水果，洗乾淨及抹乾，切大件。

雜果酵素：

一層水果、一層檸檬、一層冰糖、一層水果、一層檸檬、一層冰糖、直至完成。

3) 菠蘿酵素：一層菠蘿、一層檸檬、一層冰糖、一層菠蘿、一層檸檬、一層冰糖、直至完成。

將玻璃放置陰涼位置，存放14日。需每日搖晃一至兩次，隔三四日開蓋一次，讓新鮮空氣進入，助長發酵。

一日後

第三日

＊出貓，因見菠蘿少左咁多，所以忍唔住加番滿佢。

第五日，有泡啦！開始有發酵跡象。

第8日，雜果果樽明顯可見到好多氣泡。

但菠蘿就。。。

吾同生果有吾同表現。

第十四天，完成啦！將水果隔渣吾要或打爛加落酵素一齊飲（但我覺得有d樣衰，冇要啦！），將酵素入樽存放雪櫃，一個月內飲用。

終於飲得啦！兩款味道，任君選擇。每日早晚各一杯，每次取出30ml酵素加冰、凍水或室溫水飲。

菠蘿酵素加冰

什果酵素加冰