廣式棋子餅／月餅皮

早一個月前，我同大家曾經分享過【古法糖漿】做法，吾知大家仲有冇印象呢？

時間過得好快，眨吓眼又一個月啦！終於可以揭曉啦！其實我想整乜？之吾係「豬籠餅」囉！不過我冇豬模，所以用左月餅模頂檔。

想當年，月餅都算係一種奢侈應節食品，而且仲吾係家家戶戶都能食得起。如果大家有睇過「歲月神偷」的話，都應該會明白（我簡直有身同感受嘅感覺！哈哈。）。年代吾同，依家應該都好少人會認識佢「豬籠餅」。

話說「豬籠餅」由來係由於當年造餅師傅會在焗月餅前先試爐溫，用來測試月餅的餅皮能否鬆軟適中。於是就會先將冇包餡的麵團來做測試，而這種實驗品正是「豬籠餅」啦！然後將「豬籠餅」放入小竹籠（扮豬籠）內，會隨月餅附送（贈品）。

雖然外貌丑左d，但味道。。。就係佢啦！兒時嘅味道呀！

材料：（12個25g模）

餅皮：
低筋粉 140g
糖漿（糖漿做法） 90g
花生油 30g
鹼水 1/2茶匙
蛋黃（掃餅面用，打散後過篩一次） 1隻
高粉（手粉）適量

做法：

1. 將油，糖漿及鹼水攪勻（約攪3-4分鐘）至完全混和。
2. 篩入低筋粉拌勻，搓成麵團，用保鮮紙將麵團蓋好，靜止4小時。
3. 將麵團再搓幾下至光滑後平均分割等份。
4. 將餅模內灑上手粉，然後搖勻，再將多餘手粉掃走。
5. 將麵團滾圓撲上手粉，再將多餘手粉掃走，然後放入模內，將模放已鋪牛油紙焗盤上，用力將手把向下按壓一下，停留3秒後鬆開，然後小心脫模（模要垂直勿傾斜）。
6. 焗爐預熱170度，在餅表面噴上水，然後放入爐焗6-8分鐘至淺金黃色。
7. 取出，在餅面掃上蛋漿（2次），放回焗爐，轉160度再焗6-8分鐘至淺啡色。
8. 取出，再在餅面掃蛋漿（2次），放回焗爐，轉150度再焗5分鐘至深啡色即可。
9. 出爐待冷卻後，存保鮮盒待回油兩三天即可食用。

將油，糖漿及鹼水攪勻（約攪3-4分鐘）至完全混和。

篩入低筋粉拌勻，搓成麵團，用保鮮紙將麵團蓋好，靜止4小時。

將麵團再搓幾下至光滑後平均分割等份。