從未試過用新鮮椰子榨汁做椰汁糕，諗住新鮮又天然，所以就厄吓啦！由切椰子開始，原來都吾係咁難啫。到榨汁啦！嘩！好難攪，因為根本冇乜汁，所以加左凍水一齊攪。然後再隔渣，渣就多啦！不過液體就好少。下次都係咪攪／搞，貴D買鮮椰汁好過。
記得細個果時，由於住響中上環，所以有時候父母會同我幾姊妹去大笪地。記得果度有嘢食有嘢睇，好熱鬧。最鐘意係果度嘅東風螺，仲有鮮榨椰汁，夠晒冰凍又好好飲。不過依家都飲吾翻啦！
本來仲諗住可以自己榨到童年味道，點知都吾係我所想，講真，真係有D失望。試完今次實驗後，我都係會用番椰漿算啦！
補充：呢個椰汁糕味道似椰青糕，冇椰子香味。
材料：
鮮椰汁 800g（椰子1個，椰子水加水用攪拌機打爛隔出汁）
花奶 60g
砂糖 100g
鹽 1/8茶匙
粟粉 50g
大菜 6g
做法：
1. 大菜加600g鮮椰汁，中細火煮至大菜完全溶透，再加入糖及鹽煮溶。
2. 將200g鮮椰汁、花奶和粟粉放大碗拌勻，然後加濾入（1）內，邊攪邊落，要不停攪拌，以細火煮沸（粟粉熟透即可，不要煮杰。）。
3. 將糊倒入容器／模具內，放涼後存入雪櫃冷藏4小時以上。
