呢個心太軟食譜已跟左我十幾年，講真，到現時為止，我仲未搵到一個可以代替嘅食譜。
我個人覺得，如果一個好的心太軟，吾應該只做一個蛋糕糊，雖然蛋糕係有流心，但其實只係未熟嘅粉漿，只可稱之為半熟蛋糕，並吾係真正的心太軟。
我對仔女都好鐘意食呢個心太軟，只可惜媽媽吾願做啫。尋日阿女問我，可吾可以做d西式甜品。可能我最近做太多中點了。嘻嘻。
所以今日特別為阿女做一次啦！吾知又要等幾耐至會有下次出現啦！
蛋糕：
黑朱古力 150g
牛油（室溫放軟）150g
砂糖 50g
蛋 3隻
低筋粉 120g
泡打粉 4g
做法：
1）蛋糕模具先掃上薄薄一層牛油（材料以外牛油）
2）黑朱古力隔熱水座溶，加入牛油拌勻。
3）蛋加糖打散，分三次加入朱古力內拌勻。
4）加入已篩低筋粉及泡打粉拌勻
5）倒入唧袋，雪10-15分鐘。
6）唧嘴剪開5mm，然後唧入模內，從底開始，由內至外打圈唧上，再圍邊由下而上打圈唧上。
7）檢查蛋糕糊，修補空隙（冇蛋糕位置）。
8）唧入朱古力軟心
9）面再唧蛋糕糊，由外至內打圈嘟上。
10）放入已預熱180焗爐，焗8-10分鐘。
11）出爐後，倒轉脫模，可灑上糖霜及加一球雲尼拿雪糕伴食。
朱古力軟心：
淡忌廉 50g
牛奶 40g
砂糖 25g
黑朱古力 100g
牛油（室溫放軟）25g
做法：
1）將忌廉，淡奶及糖煮滾後離火，即倒入朱古力內拌勻。
2）加入牛油拌勻
3）放入唧袋，雪15分鐘。
朱古力軟心材料：
淡忌廉，淡奶加砂糖煮滾後離火。
即時倒入黑朱古力內拌溶
再加入牛油拌勻
放入嘟袋，雪15分鐘。
蛋糕材料：
低筋粉及泡打粉過篩
模底及周圍掃上薄薄一層牛油
黑朱古力隔熱水座溶
蛋放室溫
砂糖
蛋加糖打散
黑朱古力加牛油拌勻
分三次拌入蛋液（完全拌勻後才加入第二次）
加入粉拌勻
倒入唧袋，雪10-15分鐘。
唧嘴剪開5mm，從模底開始唧，由內至外打圈唧，再圍邊由下而上打圈唧上。
中間唧入朱古力軟心
面再唧上蛋糕糊，由外至內打圈唧上。
放入已預熱180度焗爐，焗8-10分鐘。
出爐後倒轉脫模，灑上糖霜即可。
