想起豬肉乾，當然會諗起美珍香，不過依家已賣到好貴，差不多$200/1kg，所以都好少會買嚟食啦！
今日襯打風吾洗返工，無端端多日假，咁就吾好嘥左佢，整多樣野食吓先啦！
其實好耐之前，曾經好想自家製豬肉乾，只係一直未排到（懶）啫，今日終於有機會玩吓啦！
不過我有請倡架（偷懶），因為我吾想用手攪肉同撻肉，所以搵左麵包機幫手囉！
麵包機攪肉都好方便，只需將全部材料放晒入包桶，按個制，話咁易就完成啦！夠晒乾手淨腳，哈哈。
材料：
半肥瘦免治梅頭豬肉300g
調味料：
百花蜜 2湯匙
魚露 2茶匙
米酒 1/2湯匙
生抽 1茶匙
鹽 1/2茶匙
黑椒粉 1茶匙
掃面：
百花蜜2湯匙
做法：
- 豬肉加調味攪勻撻成膠，然後放入雪櫃雪一小時。
- 取出，將肉放上保鮮紙/不黏墊面，然後再放多一張保鮮紙/不黏墊在肉面，用捍麵棒碌平至2mm厚。
- 放入已預熱170度焗爐，每面焗8分鐘。
- 將焗盤水份抹/倒走（如有），再焗每面3分鐘。
- 取出掃上蜜糖，焗2分鐘，反轉另一面再掃上蜜糖，再焗2分鐘。
- 出爐後放涼，剪去四邊燶位，再剪成小塊即可。
a) 如用麵包機，先行一次烏冬模式，再行多一次麵團模式，當發出落酵母聲時停機即可。
b) 肉碎一定要撻至起膠，有黏性，才可做到完整一塊不散開。
豬肉撻至起膠，放入雪櫃雪一小時。
將豬肉碌平
約2mm厚
放入已預熱焗爐焗8分鐘
取出反轉
再焗8分鐘
取出，抹乾焗盤水份（如有），再將兩面各焗3分鐘至焦香。最後兩面掃上蜜糖，各焗2分鐘。
