桂圓紅棗燉雪蓮子

今日我繼續都係燉野，因秋冬天氣吾燉仲等幾時。今次燉嘅吾係湯，係 "糖水" 呀！做法超簡單，勁容易，最難？咪就係要預早浸定雪蓮子囉，哈哈。

其實今次都係我第一次買/食/燉咋，之前曾經在海味店見過，仲誤以為係天山雪蓮添！原來雪蓮子價錢都吾叫平（$70/100g），但比起燕窩，當然平到笑啦！事關雪蓮子又名植物燕窩，識食一定知點食啦！用一盒牛奶價錢，可以食到燕窩效果，以後食多D都吾怕啦！

食後感：

雪蓮子口感有點像雪蛤膏，黏黏地淋淋地，gelgel地，所以吾好煮太耐。其實雪蓮子本身並冇味道，單靠糖水個底味。如果鍾意飲清D，可以學我燉桂圓紅棗，或者蓮子百合，如鍾意重口味，就可燉杏仁汁/椰汁/薑母等，其實好隨意，自己鍾意飲乜就燉乜啦！

為大家略略介紹下雪蓮子：

雪蓮子又名皂角米，純天然無害果實，含多種維生素，營養價值豐富，無色無味。屬高能量，高碳水化合物，低蛋白，低脂肪食物。具有養心通脈，清肝明目，健脾滋腎，袪痰開竅，疏腸利尿，潤膚養顏，提神補氣等。男女老幼皆宜，特別適合糖尿病患者食用。

材料：

雪蓮子　10g

紅棗　　30g

圓肉　　50g

冰糖　　適量

清水        2.5L

做法：

1. 雪蓮子預先浸泡8小時，期間可換水1-2次。
2. 煲一鍋熱水（夠外鍋及燉盅用）
3. 將桂圓及紅棗洗淨，然後放入燉盅，加入熱水至8成滿。
4. 隔水燉1小時，加入冰糖及雪蓮子繼續燉半小時。

全部材料

雪蓮子浸泡8小時，期間須換水1-2次。

浸泡後，沖洗乾淨。

全部材料放入燉盅（冰糖除外）

外鍋加入熱水至水位線

然後放入燉盅，加入熱水。

關上蓋，選糖水模式（預設是2小時，可自行加減時間），然後按開始。