病左足足半個多月啦！連醫生都睇過3個，一共睇左5次醫生。好彩呢兩日終於都好番好多，係時候復出啦！不過，我當然吾會做得咁複雜，只係做個簡單芝士蛋糕咋。
原本係想做Tiramisu，但屋企冇手指餅，又吾想焗蛋糕做個夾心，所以就轉左做日式芝士蛋糕啦！
今日吾想做原味咁普通，所以就玩吓花臣，做夠三款味道，分別有抹茶，朱古力同鴛鴦。
材料：（6"）
芝士糊：
低筋粉 20g
粟粉 10g
＊抹茶粉 3湯匙
忌廉芝士 125g
無鹽牛油 40g
牛奶 100g
蛋黃 2隻
蛋白霜：
蛋白 2隻
砂糖 45g
＊可轉無糖可可粉／咖啡粉2茶匙，原味可加檸檬汁1/2至1茶匙。
做法：
- 芝士加牛油，座熱水（60度）打至幼滑。
- 加入蛋黃打至幼滑，再篩入全部粉（或檸檬汁）拌勻，最後將牛奶分3次加入拌勻。
- 蛋白慢速打至泡沫狀，然後將糖分3-4次加入，轉高速打至濕性泡沫。
- 將蛋白霜分3次加入芝士糊內，以切拌方法，拌勻後倒入蛋糕模（提高倒下）。
- 將蛋糕模在檯面敲兩下，然後放入深盤內，注入清水至蛋糕模1/3高。
- 放入已預熱160度焗爐下層，焗45分鐘或至熟。（如見蛋糕面想爆裂或夠色，就加另一個焗盤於上層擋火）
芝士加牛油，座熱水（60度），低速打至幼滑。
加入蛋黃，低速打至幼滑。
加入已篩低筋粉及粟粉拌勻（可同時加入抹茶粉或其他口味粉類）
因我要做兩款口味，所以將芝士糊分成兩份。
（須預先計算重量）
分別加入無糖可可粉及抹茶粉
拌勻即可
跟住可做蛋白霜
蛋白慢速打至泡沫狀
然後將糖分4次加入，高速打至濕性泡沫。
將蛋白霜分3次加入芝士糊內拌勻
放入已預熱160度焗爐下層，焗45分鐘或至熟。
