之前都講過，阿女係伯爵茶控，所以伯爵茶甜品又點少得呢！吾想成日都係伯爵茶蛋糕，今次就轉吓食法啦！
材料簡單，做法簡單，連火都吾洗開，最啱想懶又想食甜品嘅你（包括我）。講過秘密你知啦！其實伯爵茶我只會用嚟做甜品，吾會用嚟飲架。想起以前，我直頭連甜品都吾會試添。
因為屋企盒牛奶今日到期，所以要諗辦法用晒佢，吾要做大嘥鬼。
材料：
伯爵茶包 3個
砂糖 30g
牛奶 350ml
淡忌廉 100ml
魚膠片 10g
做法：
- 魚膠片用凍水浸軟，揸乾水備用。
- 將牛奶倒入耐熱容器，放入微波爐加熱(不須滾起)，然後放入伯爵茶包，浸泡至室溫。
- 取走茶包(壓出奶茶液)
- 淡忌廉加糖放入微波爐加熱(不須滾起)，然後放入魚膠片拌溶。
- 加入伯爵奶茶拌勻，倒入模具，放入雪櫃雪至凝固。
- 凝固後取出脫模即可