轉化糖漿

今日我又試左樣新玩意，雖然只係得d普通材料，砂糖加幾片檸檬，並冇名貴食材，但相信一定比“金獅糖漿”金香可口。（嘻嘻，希望在明天嗎！）

預告先，因糖漿要等一個月後才用得，所以如果想跟我學下一個（Part 2）懷舊食品嘅話，就跟我先做定呢個糖漿先啦！否則到時就跟吾到我做啦！

用具：
不銹鋼煲
已消毒500ml玻璃樽

材料：
水 250ml
砂糖 500g
檸檬 1個（頭尾切走，然後切片）

做法：

1. 將砂糖，水，檸檬片，順序加入小鍋，中火煮滾（不要攪拌，可輕輕搖晃小鍋）。
2. 煮滾後轉細火繼續煮（不須加蓋，不可以攪拌，不可離開視線範圍，小心觀察溫度和顏色變化）。
3. 大約30分鐘（溫度約105度），糖漿會變得似啤酒色（淺黃色）。
4. 大約40-45分鐘（溫度約110度），糖漿會得似蜜糖（金黃清晰）。
5. 大約55-60分鐘（溫度約115度），即代表差不多完成，如顏色夠即可熄火（溫度不可超過120度）。
6. 完成後，取走檸檬片，趁熱（稀/流）過濾入已消毒玻璃樽。
7. 待完全放涼後（必須），蓋好，放陰涼乾爽位置儲存，1個月後才可使用。

貼士：

• 完成的糖漿是液態，不用擔心，當放涼後就會變蜜糖狀態。
• 糖漿放1年後，味道會更醇，顏色會更深，可保存2年（如保存恰當）。
• 好的糖漿，顏色似琥珀，晶瑩剔透，清晰見底，味道香濃，不苦澀（過火），而且沒有氣泡。
• 檸檬含果酸，可以抑制糖結晶。
• 煮糖漿時，全程都不可以攪拌，如鍋邊有糖黏住，可用毛掃沾水掃下鍋邊，避免結晶。
• 糖漿除了做月餅，也可以做中西甜點，如曲奇，蛋糕，酥皮（代替糖）。亦可煮餸菜，如雞翼，叉燒（代替蜜糖）。
• 可能大家會擔心，糖漿會吾會有檸檬味呢（我有）？！答案係冇㗎。

賽後檢討／試後報告（👆食譜已是改良版）：

可能第一次做，未識掌握火候及時間，所以有點over左（帶苦味，而且糖漿太杰。）。為了令下次成品安全起見，所以決定今日（11/5）重賽再戰。

今次當煮到變啤酒顏色時，我就開始特別留意住顏色變化，避免再次過火。最後，終於成功啦！糖漿色澤金黃，質地流而不實，恰到好處，味道更是香而不焦（有點像麥芽糖味道）。這。。。就是我心目中的理想效果啦！

第二樽

第二樽（左），第一樽（右）