脫水牛油

中秋前響材料店買嘅脫水牛油已經用晒啦！之前聽到有粉絲話脫水牛油有反式脂肪，又話吾健康等等，所以我又試吓自家製啦！

禽日去材料店入貨，同老闆傾開中式酥皮做法，跟住老闆就教我用新款做法同手法，仲叫我自製脫水牛油添。所以今日就即管試吓自製啦！

自製脫水牛油原來超簡單，仲無需技巧呢！材料簡單，只需一舊無鹽牛油就得啦！

簡單介紹：

「脫水牛油」又稱「無水牛油」，亦稱「酥油」。原理係將無鹽牛油中的牛奶及水份與脂肪分離，只留下顏色金黃，清晰及純淨的牛油脂肪，這就是「脫水牛油」。

脫水牛油的優點是保存期較長，霧煙點較高，而缺點是味道不及傳統的牛油香醇及風味。雖然如此，相比其他種類的油脂，脫水牛油仍具有特殊的奶香。

日式芝士蛋糕

自從阿女飛左之後，我已再冇動力去做甜品啦！一來屋企冇人恨食，二來自己又懶底，所以咪冇交功課咁耐囉。

但為了要消滅雪櫃舊半K忌廉芝士（10月到期），所以懶都要做吓野啦！吾想嘥左舊芝士啦！今日仲有樣好特別嘅，就係5隻蛋裡面竟然有2隻係孖黃，所以變左7黃，不過吾洗驚，孖黃其實加埋都係等於一隻黃啫，哈哈！

材料及做法：（日式芝士蛋糕做法）

潮州芋蓉月餅/芋蓉酥（少甜）

今年做過奶黃月餅，廣式月餅，日本月餅，吾爭在做埋潮州月餅啦！

傳統潮州月餅可能見/食得多，但全部都會係紫色。我最鍾意搞搞新意思，吾想咁普通，一睇就知佢係乜，所以轉吓look，換件衫，一於新瓶舊酒囉！

不過，今次轉左少少做法，效果吾太理想，因酥皮層次吾夠明顯囉。雖然外貌還差少少，但其實食落酥皮係鬆酥嘅，而且芋蓉不會太甜，又香又滑，好味。下次要諗吓有咩地方出錯至得啦！還有很多進步空間，仍需努力，加油！

另外，今次酥皮捲法與上次比較，感覺上次比今次做得好，而且仲快d添。所以，如大家想做，可跟翻我上次紫薯蓮蓉酥咁捲法就好啦！

後錄：
當我寫食譜時，發現原來步驟做錯了，吾怪得咁啦！真大頭蝦呢！好彩冇影響到成品味道啫。嘻嘻。

芋蓉餡

中式餡料當中，會經常用到的，除左紅豆餡，蓮蓉餡，奶黃餡，麻蓉餡外，應該仲會有芋蓉餡同紫薯餡。基本上，我都做齊幾種餡啦！仲爭兩樣未曾示範過啫。

今次我就先做芋蓉餡，遲d再做埋個紫薯餡。

綠茶芝麻月餅（桃山皮）

早排烘烤店老闆送左我一包桃山月餅皮，同埋一包黑芝麻餡，今日終於有機會用啦！

桃山皮做嘅月餅真係冇得輸，好鬼靚仔。基本上焗之前同焗之後都差不多樣，真係永冇失手，相信新手都零難度。

今次揀左綠茶味桃山皮，因為之前未試過，聞落好香綠茶味，不過仲未食，所以未知味道會如何。除左原味桃山皮，我應該都試齊晒，最特別當然係紅酒味啦！其餘嘅咖啡味同紫薯味就一般般啦！不過佢地顏色一樣咁靚。

補充：實在太多月餅模花片，所以吾係果樣餡都照印，事關靚囉！哈哈。

廣式蓮蓉月餅（無蛋黃）

今年屋企有自制糖漿，所以可以用嚟整廣式月餅啦！記得舊年，用金獅糖漿整過，個餅除左冇香味外，仲吾覺好味添。所以今年特別學做糖漿，自家制果然真係吾同播。首先搓麵團果陣已經聞到好香，然後到出爐呢。。。吾洗講都知啦！香到呢！

不過，千奇吾好心急，仲未食得住架，要等三日回油後至食得。啦啦啦！食得啦！好香呀！好味，好味，Yummy！

脆皮金莎奶黃月餅（改良版）

今次用左跟機焗盤，冇用特別方法（升高／加底盤等），材料亦同以往一樣，不同嘅係入爐前冇嘖水，同埋在餅底用牙纖刺左兩下。

話說，當入爐前突然想起，之前曾經有人提過，在餅底刺兩下可以有助疏氣，免焗時會爆裂及可減低象腳，所以我就即管一試啦！測試結果都幾好，感覺好似真係好Ｄ喎（雖然都有少少象腳同爆裂）！吾知係咪真係關事呢！嘻嘻。

不過最失敗係，用跟機焗盤差Ｄ囉！因個盤四邊凹，中間凸，所以搞到焗完個餅斜斜地，嗚嗚嗚。

今次可能／或者／應該。。。係2016最後一批奶黃月餅啦（如無意外）！如果／就算再做，都應該會轉做廣式月餅（如果做的話）。

最後一批奶黃月餅將會在今天及明天分別送出到超級粉絲的手上。