五香咸蛋（續集）

今日終於到左收成嘅大日子，話說15/4果日浸左樽咸蛋，而今日係14/5，剛剛好一個月啦！心情既緊張又興奮，吾知成吾成功呢？！雖然話零失敗啫，但我都驚會破紀錄，成為零的突破。哈哈。

迷底終於可以打開，係。。係。。係大成功啊！我終於相信零失敗的預言啦！嘻嘻。

鴨蛋用五香鹽水浸左一個月，蛋殼都黏滿了一層薄薄的青苔般面層（滑滑地黏黏地）。需要用百潔布才可以將佢刷甩，最後又回復番白淨啦！至於樽五香鹽水，就變得深色同混濁。將蛋洗乾淨後，仲要抹乾，然後放入雪櫃保存。

我再為大家介紹一下，蛋黃橙紅亮麗，實的的。而蛋白晶瑩通透（忘記影相），不混濁。至於味道，就同街買到嘅冇分別，只係冇街買咁咸。

今晚我就即興用左4隻蛋黃嚟煮黃金蝦啦（蛋白冇要）！淨低嘅都會留番嚟包咸肉粽，下個禮拜見。

蛋黃洗淨表面滑dodo黏膜（蛋白我冇留用）

用水沖洗後（下）與用百潔布洗刷後（上）比較

蛋殼有層青BB，要用百潔布才可刷甩。

浸過嘅五香鹽水，我冇留用。

做法：五香咸蛋