除左家人同事們冇得食我嘅出品外，其實粉絲們都被我冷落了一段日子，真係有d抱歉，吾知大家有冇掛住我呢？！
等左咁耐，大家有冇變左長頸鹿呢？吾洗再等啦！今日我終於復出啦！因為姐姐7.1.1（11/7）已回歸啦！
呢段日子，其實我都有得著架，就係醫好左我嘅強迫症。呢段日子，我學識了放鬆，不再強迫自己，不再為出post而不斷去做。
從今日開始，我只會為想食去做，為無聊去做，為得閒去做，盡量令自己做得輕鬆，零壓力。
材料:
原片快熟燕麥 100g
低筋粉 120g
泡打粉 1/2茶匙
梳打粉 1/2茶匙
蛋黃 1個
轉化糖漿 70g
黃糖 50g
鹽 少許
無鹽牛油 (室溫) 80g
雲呢拿油 1/2茶匙
入爐朱古力粒 80g
做法:
- 牛油加黃糖打勻至幼滑，加入轉化糖漿打勻，再加入蛋黃打勻，最後加入雲呢拿油拌勻。
- 將已篩低筋粉，加入燕麥，鹽，泡打粉及梳打粉混合。
- 將（2）倒入（1）內拌勻
- 用湯匙取出麵團，放入鬆餅模內。
- 放入已預熱170-180度焗爐，焗12-15分鐘至金黃色即可。
準備材料
室溫牛油加黃糖打至幼滑
加入轉化糖漿打勻
加入蛋黃及雲呢拿油打勻
加入全部粉拌勻
最後加入爐朱古力拌勻
170度焗12-15分鐘
