極黑朱古力脆皮奶黃月餅（2018新口味）

乜嘢叫即叫即蒸？今日我真係好好體會到啦！

乜嘢叫囡奴？我咪係人版囉！好彩屋企有奶黃餡（吾係次次咁好彩），下次可吾可以早響呢？！等我有心理準備，可以多d時間準備呢！

介紹番，我今次用左隻新材料，以前從未見/聽/食/用過架，原來逐漸變黑又得，立即變黑都得，得左。

第一次試呢隻「極黑可可粉」，黑嘅程度，吾洗我多講，大家都睇到啦！如果第時想做黑色效果，吾洗再用竹炭粉啦！

再介紹埋味道啦！製作前-聞落吾香（有D難聞）、制作中-混入麵糰後，出奇地又好香喎（點解嘅）、成品-食落就好似Oreo（吾怪得Oreo咁黑）。

可能有好多朋友見到黑媽媽都會有D抗拒，仲會有D驚添。不過我就冇比顏色嚇親，反而覺得幾特別幾吸引。

紫薯紅豆糯米糍（又稱麻糬／大福）

之前細妹返香港，話好想食糯米糍，所以我就為佢泡製做左紅豆糯米糍啦！由內至外全人手制造，冇用現成餡料架。我總共做左11粒，其中7粒就比左細妹拎返酒店慢慢食，有2粒係我同姐姐試味，另外2粒就比細佬食晒。

由於上次數量太少，所以連老公仔女都冇得食。哈哈。可能細妹真係好耐冇食，又或者實在太好食or太鍾意食，佢竟然食飽飯仲可以一口氣連食3粒。最後佢分左3日食，但竟然仲可以保持軟熟呀！

見屋企淨左d紅豆餡，又有紫薯粉，不如就加埋嚟做糯米糍啦！吾洗次次白色咁單調。紫薯皮配紅豆餡，應該都幾夾，幾好味。今日整左9粒，大家吾洗詐型啦！人人有份。

不過，我都未開始包，就比阿女發現左，仲要吹我快d包，食完仲要我包多，話要外賣囉，唉！咁又被刧走兩粒啦！哈哈。

脆皮金莎奶黃月餅

好耐冇整63g月餅啦！因為我覺得50g比較精致，而且仲可以一人一個，小食多滋味嗎！不過用嚟送禮，就送大個d得體d啦！

點解今次又要咁早整月餅呢？全因為阿女要求囉！因阿女話想聽日送比將會返加拿大嘅朋友喎，本來仲話佢自己整添，不過。。。。。

我呢個都算係廿四孝阿媽掛！？嘻嘻。

抽真空封口機

最近淘左個抽真空機，其實都想買佢好耐，只係擔心用吾著，又阻地方。而且仲驚太複習，會難用，所以一直冇下文。近排見到有谷友用真空機包裝奶黃餡，覺得都幾啱我，所以就左揀右揀，終於比我揀中佢啦！部機外型小巧美觀，感覺吾太化學/單薄，最重要當然係簡單操作，一個制搞掂。

其實淘寶買嘢，有時真係要講運氣（駁下），間中都會中伏呢！結果，真係冇買錯，抽得（效果）的確吾錯。遲d做慢煮叉燒，吾洗再用密實袋自製真空啦！可以做到真正抽真空啦！

如想購買按此連結

接上電源後會著藍燈

抽真空時會由藍燈變紅燈，完成後會變回藍燈。

機有兩粒制，上（抽真空），下（只封口）。

抽真空封口（約25秒）

抽左真空，就吾怕會生蟲啦！

袋面（光滑）

袋底（有紋）

只封口（手壓封口機比較快，而且封口邊比較闊）

藍莓乳酪慕士蛋糕

最近細妹返左嚟，搞到多左出街，冇乜時間留響屋企整嘢食。星期六已回復正常，因她星期五晚飛返英國啦！

噚日，我終於有時間可以為老公準備生日蛋糕啦！食完晏，就去買材料，跟住買生果。本來諗住買藍莓或士多啤梨裝飾，但因為吾新鮮，最後揀左從未買過嘅無花果。

往年多數都係做圓形蛋糕，今次玩特別d，整個長形試吓，估吾到出嚟嘅外型同顏色都幾夾喎！雖然蛋糕係簡單d，但整體效果都吾錯呀！

紫薯脆皮奶黃月餅

見屋企仲有少少奶黃淨，咁啱又有紫薯粉，咁咪順便用嚟做埋月餅囉！都係順便啫，哈哈。

其實做法好同脆皮奶黃月餅差吾多，只係吉士粉變左紫薯粉啫，再減埋雲呢拿油，就係咁簡單。

今日總共做左14個一口迷你月餅（25g），比正常（50g）嘅月餅足足做多一倍呀！咁就吾洗驚吾夠分啦！

鳳梨奶黃月餅（2018新口味）

又係時候整月餅啦！不過如果吾係因為細妹返左嚟，我都未必會咁快做。事關細妹月中就要返英國，所以我要趁佢走之前，趕快整多幾款口味比佢試。

2018第一爐，梗係要試新嘢啦！今次係鳳梨酥與奶黃月餅crossover呀！連我自己都未食過，吾知夾吾夾呢！嘻嘻。不過阿仔一返嚟就食左兩個啦！冇comment，但就食左兩個，答案應該係正面掛，哈哈。

今年冇買新月餅模，因近幾年實在買得太多，多到冇一百都接近呢！最後仲買／玩到訂製，無論中文名，英文名，什至姓氏，樣樣都造齊，咁就吾驚會同人撞款啦！哈哈。

不過終於都要斷捨離，如成品花紋吾清楚嘅，通通都冇得留低（舊嘅吾去新又點嚟）。其實我冇做大嘥鬼，我將吾要嘅都送晒比姐姐（連有名果d都比埋），冇感到罪惡架，哈哈哈。

轉代糖漿2018

端午過後，又輪到中秋嘅來臨啦（睇廣告都知）！潮流興食奶黃月餅，睇電視都知，排長龍炒黃牛。吾想排餐死，又吾想買貴餅食，唯有自己做啦！自己食自己做嗎！雖然係要花點時間同心機，但起碼知道食左乜落肚，而且仲無添加好好味添，辛苦都值得啦！

至於傳統廣式月餅，已逐漸被人遺忘。不過傳統嘢始終有佢存在價值，因好多人都好似我咁 "念舊"，希望從懷舊食物裡尋回兒時回億。記得細個果時，月餅係好貴，吾係人人食得起，所以當年大部份人都會揀供月餅會（我媽媽是其中一個），不過供完吾代表自己有得食，因為要送禮呀（當年好著重體面）。依家年代吾同，月餅已是人人都食到，可能仲多到食吾晒，送入大口仔添（丟）。

雖然我對月餅興趣不大，但就對做月餅興趣很大啦！哈哈。我喜歡做比家人同朋友食，見到別人食完個個讚，真係好開心，好滿足。

記得第一次做轉化糖漿，已是兩年前的事，之後已冇再買現成糖漿啦！自家製糖漿真係好味好多架，除左用嚟做廣式月餅皮外，仲可以代替蜜糖，除左可以做各式中西甜點，如蛋糕，曲奇，酥點。也可以用嚟煮餸，如雞翼，叉燒等。

轉化糖漿做法按此

*今次改用了檸檬汁（先過濾），待糖水滾後加入。