黑加侖子慕士蛋糕

基本上。。如無意外。。多數。。應該。。盡可能我每年都會做最少一個『生日蛋糕』，而收禮嘅人就係我 Honey 啦！今年當然冇例外啦！仲請埋假嚟做添，夠晒有誠意掛！

今年我想整一個特別Ｄ嘅味道，又想個顏色 Sharp D同出D，最後就揀左呢隻紫色代表「黑加侖子」果泥，夠特別嗎？

蛋糕除左味道之外，賣相當然都好重要（必須）。有時為左扮靚Ｄ，都會好頭痕，吾知點擺好，我怕《一子錯，滿盤皆落索》。

終於搞掂啦！我都好滿意。

天多尼烤雞

吾知大家有冇去過印度餐廳？吾知又有冇點過呢款餸呢？通常餐廳會係跟鐵板上，但屋企又點會無嗱嗱整塊鐵板呢？所以都係用番碟上算啦！

究竟佢有咩特別？特別在佢有種特別嘅味道囉！哈哈，係咪好似冇講過一樣。

焗叉燒餐包

自己本身吾太好叉燒餐包，因買到嘅包都係空心，得醬冇叉燒，好搵笨又吾好食。所以從來吾會買嚟食，最多只會去酒樓飲茶時，有新鮮出爐才會叫嚟食吓。

最近焗左叉燒，又食吾晒，除左炒蛋仲可以點用？就不如試吓整包啦！

屋企整嘅當然吾會得醬冇叉燒啦！從未，我就愛吃叉燒包啦！

南乳燒雞翼

第一次試用麥芽糖上皮，原來吾係甜，又吾係酸，只係脆咋！好神奇呀!

椰蓉包

傳統嘅麵中，椰蓉包都應該佔一席位，我估冇人會反對掛？！

蒜香脆皮燒肉

我細細個就好鍾意食燒肉啦！但要等到過時過節至有機會食到。不過屋企人多，每次都只能分到兩三粒，都係吾夠喉。

依家我大個女啦！鍾意幾時食就幾時食，由我話事。不過屋企附近冇晒燒臘鋪，要食都吾係咁容易。依家買燒味都好貴，叉燒要成九十蚊斤，燒肉仲貴到百五蚊斤添，斬料加餸閒閒地要幾舊水。

所以決定要試吓學人自家製，雖然麻煩D，但又平奐夠食，仲食到你吾食添，真係超滿足。

芝士煙肉焗大蘑菇

吾知點解阿女咁鍾意食鮮菌類食物，其實我冇乜買嚟煮，但乾菌佢又吾好喎！

成日叫我買比佢食，好啦！今日就買盒大蘑菇整比佢食啦！

第一次買咁大隻，仲係第一次焗，哈！又點會難到我呢！無論味道同賣相，我都好滿意。