檸蜜芝士撻

2015年最後一激【檸蜜芝士撻】

之前用淨半包 Mascarpone 芝士，但又吾夠做一個Tiramisu，都吾知做乜好。咁啱前兩日整檸檬撻淨番d撻皮，雪櫃又有兩個檸檬。

咁我就將用淨嘅廚餘組織一下，變。變。變。變出新食譜。哈哈，呢個甜品係咪都見得吓人呢？

迷你缽仔糕

一款百吃不厭，人見人愛嘅傳統糕點【缽仔糕】。無論任何造型，都一樣好味，只要是用心做。

雖然我冇迷你瓦缽仔，但我有迷你 Muffin tray。Muffin tray 用途除左做蛋糕仔外，真係冇乜其他用途，不過依家終於可以大派用場啦！

因依家有左水波爐，內窿夠晒大（29x41cm)，可以成個盤放入爐蒸，仲可以一次蒸兩層，如每次蒸兩個 tray，嘩！每次可以有48個製成品呀！真係超方便，最適合大製作。

原味饅頭

新麵包機，有個8分鐘麵團mode，專為中式包及薄pizza而設。今晚就輪到試佢做饅頭，首先嚟個基本饅頭先啦！簡單就是最好。。。味。

豆沙包

第一次用新包機整紅豆餡，第一次用包機做中式麵團。效果點？睇到啦！兩樣都做得好出色。

迷你豆沙銅鑼燒

今日冬至放早，諗住去灣仔二記買d材料，點知一入去就見到打晒蛇餅，冇計唯有轉軚啦！上到13樓，唉...冇得賣...算....走人。

返到炮台山，想買湯丸應吓節，噢...又係排長龍，終於乜都買吾到。

最後，唯有靠自己，Homemade 冇難度。

豆沙西米糕

樂聲牌麵包機

自從樂聲牌出港版第一部麵包機開始，我就一直跟「潮」（潮流）換「代」（最新一代）。

由最初SD-PM104、SD-PM105、SD-PM106、到現在SD-PT1001，全部都係我池中物。吾好誤會呀！我並非集郵，只是貪新忘舊啫，我係等賣出部舊機，再買部新機架。

記得第一次學人上Yahoo拍賣104，竟然第二日就完成交收，快到呢。到第二次，我就在麵包機群組放售，點知仲快，在臨瞓前（12點）貼文，第朝瞓醒（9點）一開機，嘩！好多留言呀！我亦逐一回答，整個過程超乎想像的怏，不足11小時已完成交收呢。當時的買家，已成為了我的粉絲了。

最後到106啦！又會點呢？今次再響麵包機群組放售，今次反應比之前慢／少，還有不少人壓價（可能麵包機已普及），所以銷程告急，全程用了兩日才完成交收。而今次的買家，竟然巧遇我專頁粉絲呢（我並冇在專頁放售）。！

希望未來兩年，樂聲吾好再出新型號麵包機啦！否則。。。我又。。。怕不能自控。

泰式香葉包雞

平時食泰國菜，我多數都會點春卷，但香葉包雞好似真係冇乜點過。因為覺得佢好油，同埋d肉又好乾。而且份量又好少，但又吾平喎！

依家有左波仔，不但可免油炸，仲可以食到好Juice嘅雞肉添，最重要係廿蚊吾洗就整到一大碟呢！

雙層芝士蛋糕（焗加凍）

呢個蛋糕，真係好嘥時間，冇時間千奇吾好開始，因一個蛋糕一次過可以滿足你三個願望，同時亦等於一次過做左三個蛋糕。第一個係海綿蛋糕，第二個係紐約芝士蛋糕，第三個係意大利芝士蛋糕。

夠滿足掛！真係從未如此辛苦過，累死人啦！

法式拿破崙

甜品之中，拿破崙算是我的最愛之一，因為它實在太好味啦！不過就超罪惡囉。

曾經為左佢，我專誠去拜師學藝，但效果同習品都吾係我杯茶，而且做法又很麻煩，在家也未必願做起壇。

最近上 Youtube 睇教學，無意中見到一個有關拿破崙的介紹，片中介紹用急凍酥皮來做拿破崙，而且方法超簡單，睇完冇理由吾做啫。

今日 Sunday 又冇街去，咁啱屋企又有齊晒材料，咁就開壇啦！