南瓜紫薯 ／南瓜奶黃脆皮月餅（2017新口味）

今日益街坊打孖上，兩款口味一齊嚟，隨便睇隨便揀。

月餅及點只得蓮蓉、豆沙、五仁。。。。咁普通，自家製當然要玩吓新意啦！玩都要玩得多變化。

記得細細個果時，阿媽仲要供月餅會，供完都只係用嚟送禮，屋企食到嘅只係得兩隻豬籠，諗起都覺得辛酸。嗚嗚嗚！時代吾同，依家d細路就享福得多啦！基本上想食乜有乜，仲多都食吾晒拎去掉添。人越大就對月餅越冇興趣，對我嚟講，月餅係愛嚟做，同愛嚟派咋。鍾意做月餅，主要係鍾意比人讚，聽得好開心，我係咪傻傻地呢？哈哈。

今年第三轉月餅出爐啦！呢三轉月餅，我都冇做特別處理，冇特別花臣，只係隨便咁焗，但點知斷估吾到，竟然比多多計算的出奇地好，真係點算都計佢吾到。

由於時間緊迫，整個製作程序都冇時間拍低，如果想清楚多d，睇詳細多d，就可以睇翻我嘅舊文。

下次如有時間，我再為大家詳細一步一步介紹啦！

迷你紫薯脆皮月餅

今次食譜同上次一樣，因為係上次留定吾焗住啫，今次吾同地方只係冇掃蛋。

個人覺得吾掃蛋顏色紫d，靚d，好樣d。所以我以後如做黃色以外嘅皮，我都係吾掃蛋啦！保持原色。

紫薯餡

材料：（400g）

＜餡＞
紫心蕃薯　350g
砂糖　　　15g
麥芽糖        1-2湯匙
無鹽牛油　20g
淡忌廉　　20g
澄麵            1-2湯匙

做法：

1. 紫薯洗淨，隔水蒸熟，然後撕去皮，用叉將紫薯壓蓉，可用篩隔一次（更幼滑）。
2. 燒熱易潔鑊，將蕃薯蓉，糖、牛油、淡忌廉、麥芽糖放入，炒勻。
3. 最後加入1湯匙澄麵炒勻，測試吓是否成糰，有需要再逐少加入澄麵炒至合適狀態。
4. 完成後，放入保鮮盒，餡面緊貼上保鮮紙（防乾），放入雪櫃雪過夜，即可使用。

紫薯脆皮月餅（2017新口味）

今年月餅第一炮，面打響頭炮嘅竟然係佢『紫薯月餅』。

呢個紫薯蓉雖然係懶人版，但其實一d都吾易做架。懶係因為免炒，難係難在要將紫薯壓蓉後再過篩（想幼滑d），真係做到手殘呀！

做左月餅幾年，原來買買埋埋，都買落吾少月餅模同花片，十幾廿個模，幾十塊花片，真係多到呢。。。（其實已比緊d姐姐啦！）所以今年冇再買啦！今日都係用番前兩年同舊年買嘅花片咋，有幾個原來都未開齋添。哈哈。

今次嘅紫薯皮用左日本紫薯粉，好夠色，好紫呀！而紫心蕃薯，只係街市買（吾係日本貨），比較多根，所以咪要用篩隔吓囉。嗚嗚嗚！

如果大家都想試吓做的話，比個貼士大家，就係要注意牛油，牌子都有影響架。軟硬程度都好有影響，一定吾可以放軟至淋身，用手指按得入，仲凍，仲有少少實就啱。做出嚟嘅餅皮餅吾會瀉，油立立。

缽仔糕

成日流流長，冇野要搵野嚟做，當然吾會做家務啦！家務梗係留番比姐姐，我就做d更有意義嘅事啦！

先嚟左個梳乎梨，再嚟榨果汁，做雪葩，最後就做埋今晚嘅飯後甜品【缽仔糕】。

不過屋企冇紅豆粒，只有之前做落嘅紅豆餡，但都冇所謂啦！梗係照用。

梳乎厘班戟

無端端多日假，我就整個特別d嘅breakfast比大家歎吓啦！呢款pancake，我都係第一次整咋。

其實阿女一早已話過好想食梳乎厘pancake，可惜一直都踫吾啱時間。就趁住今日咁齊人，我就找數啦！

伯爵茶燕麥曲奇

第一次試加伯爵茶葉，但茶味吾太突出，可能我加得吾夠重手，下次要再加多d至得。呢頭加左茶葉，轉頭又忘記加朱古力粒，太失魂啦！

因為想早D搞掂，所以吾理姐姐，照入廚房同佢爭地頭，佢有佢煮飯，我有我整餅。事關廚房地方有限，我唯有左攝右攝玩借位，有少少甩漏都係正常啫，哈哈。

紅桑子慕斯蛋糕

每年嘅今日，基本上，我都會做一個生日蛋糕，今年也不例外，不過今次就要預早一晚做定。

今日係大梁生（老公）牛一，我為佢準備左一個用紅桑子做膽嘅生日蛋糕，顏色同預期一樣咁靚。今次最特別係。。。第一次用矽膠模做生日蛋糕，重點係 "成功" 兼 "原整" 脫模呀！

以前試過用矽膠模做慕斯／奶凍／布甸，但每次都會脫爛晒，樣衰到震。今次都係駁吓咋，如果再失敗吾知點算好啦（唯有買個補飛）！

最近專登上網偷師，參考教學，原來矽膠模做慕斯蛋糕，係需要放冰格12小時以上後才脫模，我咪膽粗粗試吓囉。今次終於可以成功脫模啦！好開心。

菠蘿雪葩

人地話明係慢磨榨汁雪葩機，又點會吾試埋做雪葩呢！一諗起做雪葩，就即刻諗到菠蘿，因為菠蘿又香又甜又好味，絕對吻合晒做雪葩嘅條件。自家製雪葩，最好揀選比較濃味又夠甜嘅水果，因為自家製雪葩，無添加糖／增味劑／香料／色素等，100%純天然水果肉。但如果只想食到水果冰，吾介意淡口都冇所謂，一樣可以做楊桃／火龍果雪葩。

做雪葩前，首先要預備好冰水果。做法簡單，只需將水果切粒，入盒，存冰格5小時以上，後取出置室溫10-15分鐘（吾黏實就得），再將慢磨機換上雪葩棒，就可以磨榨成雪葩啦！講多無謂，行動最實際，去片。。。。。

食後報告：
自家製雪葩雖然冇雪糕般幼滑，但比想像中滑，仲會食到有少少纖維感覺，絕對吾似雪條，又吾似刨冰或C樂冰。

棗泥糕

今日又有個新玩法，吾知我會吾會係始創者呢！？有時真係要讚吓自己叻叻豬，仲要寫多個服字比自己添呀！哈哈.

明明人地話係慢磨榨汁機，我竟然用嚟做d咁嘅野，吾怪得我細細個，阿媽就叫我大導演啦！仲係自編自導自演果隻呀！不過如果吾試又點知得吾得喎。講真，我有時又真係幾勇㗎。嘻嘻 。

記得第一次做紅棗糕，壓紅棗蓉真係壓到手殘，隻手足足痛左成個月呀！之後聽到紅棗糕三個字都怕怕。今次真係好冒險，我都係駁吓咋。心諗甘筍都榨到汁，紅棗應該冇難度掛。結果，實驗證明係。。。成功架，Ya！

甘筍汁

今晚再試機，因我想試埋少水份嘅蔬果，所以就揀左佢「甘筍」。

今次製作材料非常簡單，只係得兩條甘筍。實驗證明，少水份蔬果榨出嘅汁會比較少，而渣就會多好多。

三果特飲（火龍果／奇異果／蘋果）

今日收到一份大禮，而且仲份量十足添，吾講得笑呀！哈哈。

佢係乜？之吾係『Philips創新微壓榨~慢磨榨汁雪葩機』囉！

講真，榨汁機對我嚟講，真係好陌生，我地從來冇做過朋友。今次係我人生中第一部「榨汁機」。因為我覺得榨汁機只得榨汁function，而且又大部又阻地方，用完後仲要洗餐死，所以。。。當然咪搞我啦！嘻嘻。

不過今次呢部就吾同啦！因為佢係一部一機兩用嘅榨汁機。除左榨汁外，仲可以做埋雪葩添。而且機身細少，容易收藏，吾會阻地方。配件清潔簡單，只要用清水沖洗，吾洗一分鐘就搞掂。最重要，佢係慢磨榨汁機呀！非一般榨汁機。慢磨有咩好？想知就睇吓介紹單張啦！

大家平時會飲／榨咩種類果汁？我個人就鍾意飲混合口味，雙拼，三拼，什至雜拼。只要D水果夠甜我就鍾意，淨係吾like D酸同冇乜味嘅水果。今次為左試驗新機效果，我就揀選三款比較多水份嘅水果，包括我吾鍾意嘅火龍果（冇乜味）同奇異果（酸味味），仲有我鍾意嘅Gala蘋果（清甜吾會澀）。聽落係咪覺得三款水果9吾搭8呢？如果呢三種水果mix起來，又會產生咩化學作用呢？哈哈。

當我榨緊第一杯，阿女已急不及待想試飲（做白老鼠）。佢飲完一啖，就馬上話好甜。。。好甜。。。真係好甜呀！但我當然吾相信啦！因佢連火龍果都話甜，奇異果又吾怕酸。點知我一試，咦！點解。。。點解。。。點解真係會咁甜架。太神奇啦！超乎想像，真係好正呀！甜到好似飲緊濃縮果汁咁呀！真係非一般果汁呀！

榨出嘅果汁，不會似普通榨汁機，放一陣會分成兩層（汁沉底，泡沫浮面），而且仲吾會變色（氧化）。

比一般果汁濃杰，高纖（飲到好多纖維）。

椰汁紅豆糕

又係呢個模呀！因為想試埋白色效果囉，嘻嘻！希望大家吾會睇到厭啦！

我最鍾意響夏天做凍糕，因為有冰涼感覺，而且仲簡單快捷方便添。如果屋企有材料，咁就話咁易做到啦！其實最花時間只係需要烚紅豆，所以我預先一日準備定，然後第二日就可以好快搞掂啦！