老種

我向來對麵包都吾多講究，亦冇乜研究，事關屋企人吾多好麵包，所以對麵包冇要求，只要軟熟好味就得啦！咁我就好自然冇需要高要求啦！至於什麼低發，中種，湯種，水合法，麵種等等，我真係通通都吾曉，吾係好清楚分別呀！有時亦會諗，整個麵包啫，洗吾洗攪咁多野呀！會吾會煩左d呢？！哈哈。

直至最近上左個麵包堂，材料入面加左樣「老種」，我都係第一次試咋。所以我將一真疑慮左好耐嘅問題，就襯課堂空隙時，即刻問過老師，順便學吓野。原來老種並吾係想像咁難架，而且仲好易做添。

今日襯包機吾洗做包（因今朝已出左個朱古力吐司），係時候做吓老種啦！我先用包機幫手攪左個麵團，然後分好一份份，一份放冷藏格（明天用），其餘就放晒入冰格（留番慢慢用），希望做出嚟嘅包會有大分別啦！

搓好麵團

平均每份約20或40g，放入密實盒或袋。

腰果花生酥（偷懶版）

忙完蒸糕，又要忙做拜年手信，搞到自己好忙好忙。

今年手信做左腰果花生酥，係我妹點名想食嘅。因早幾日Market Place擺檔賣手工花生酥，佢試食過覺得好好味，但就賣得好貴，所以佢就冇買，向我落order啦！

其實整吾難，只係冇時間，搞到年三十晚要趕工，因想初一前完成。

今次買左現成花生同腰果，可以慳d功夫，做少一個步驟（免烘，其實仲香d）。今次轉左做係腰果面花生底，因腰果做酥底吾夠花生香，所以我就改用花生做底，腰果做面啦。

三色糖手搓年糕

話左吾整又整，鬼叫自己計錯數咩（數漏個），搞到吾夠分添。冇計啦！唯有臨急抱佛腳，開行TURBO，加開一場啦（真係吾再加場啦）！好彩屋企冇野多，材料就多多，隨時隨地都可以加場。

襯姐姐煮緊飯，又未食得飯，咁我咪攝個位入埋廚房搞搞震囉（比我阻住晒，要等到8時入席）。首先煲個糖水，然後再攪個粉，全部獨力一手一腳，冇搵人幫拖架。今次仲有個小插曲，就係用左雜錦糖啦！因為之前整左幾款口味年糕，每樣糖都淨番Ｄ，所以咪嚟個crossover囉。嘻嘻。煲糖水嘅同時，我就同步處理埋個粉，時間一d都冇嘥到。

出爐啦！估吾到混糖嘅效果又幾好喎！好靚仔喎！仲係咁多款年糕中顏色最靚嘅一個呀！

瑤柱臘味芋頭糕

登登登登。。。隆重登埸。。。最後一款糕啦。。。芋頭糕呀！呢款賀年糕，人人食過都話正，吾信就要試吓啦。芋頭糕係阿仔最愛嘅賀年糕，所以每年我都一定吾會漏左佢。

一家四口，各有所好，爸爸愛年糕，妹妹愛蘿蔔糕，哥哥愛芋頭糕，我都會全部照顧晒，絕對冇偏心。而我就最愛馬蹄糕，所以都吾少得。如果有時間，就會整吓紫薯糕，紅棗糕。

今次嘅食譜，芋頭份量多左半，因為我鍾意啖啖都食到芋頭。仲有，做法都有少少改變，不過味道就同之前分別不大，我估大家可能會比之前更容易掌握。

瑤柱臘味蘿蔔糕

今個禮拜已踏入「糕」瘋期，全民也進入「糕」瘋狀態。個個Blog個個Group，周圍都係Go糕糕。我亦吾例外，但我已轉入最後直路，距離終點不遠了。

今日為大家介紹嘅就係大部人都愛吃嘅蘿蔔糕啦！再嚟就會係最後一款芋頭糕，不過要等我得閒至做到。

今次用左5斤蘿蔔（勁多蘿蔔），每啖都食到好多蘿蔔絲，超正。

古法紅糖年糕

相信呢個應該係本年度最後一場年糕show，因為嚟緊嘅假期無多，都係時候輪到蘿蔔糕同芋頭糕出場啦！

今次轉用左天然古法紅糖，顏色明顯比用其他糖深色好多（亦可能冇椰漿關係）。其實今次除左轉用紅糖外，最特別係用左麵包機幫拖呀！哈哈。

首先，第一步將糯米粉放入包筒，然後逐少加入暖糖水，慢慢搓成團，做到幼滑麵團，第二步就係將麵團再加暖糖水開成粉漿。今次全程都係靠晒麵包機，一手一腳全包宴，無需要我出「手」。

雖然製作過程同時間比手搓耐，但其實又好似好方便。講真，麵包機搓有咩好？好咪好在粉漿好幼滑，又冇粒粒囉，重點係吾洗攪到手殘呀！而缺點就係每次份量吾可以多，一來裝吾晒，二來傷機嗎（負荷太重）！對於今次嘅表演／表現，算係我今年最滿意嘅年糕，因為有我最愛的卡通人物同場加影囉！

*22/1補充：

雪左一晚後脫模（冇掃油，冇技巧），你睇，米奇同吉蒂嚟啦！嘩！好。。好。。好。。好靚呀！真係忍吾住要講多幾個好呀！仲係超級無敵「帥、靚、正」啊！Super Q！

我最愛嘅Mickey同Kitty，你地靚成咁，我又點捨得食左你地呀！嘻嘻。

黑松露蘑菇麥麵包@麵包雲

話說16年萬聖節，參加左一個萬聖節菜名比賽，幸運地贏左。獎品係麵包雲麵包堂2次（$550/堂），有效期一年。我份人比較心急，好想快d學，所以急不及待即報堂，但課堂非常難book，最快都要等個幾兩個月。

今日終於等到啦！參加咁多次興趣班，呢個都算係最早嘅一次，搞到我連早餐都冇食，9:15am就到達教室。

今次揀左個level 2廚師機麵包班，過程一d都吾難，一切都好順利，而且成品都好滿意。

蔗汁馬蹄糕

賀年糕款式多多，除左傳統蘿蔔糕同年糕外，馬蹄糕都有好多粉絲架，因佢吾太甜，清清地又有咬口，熱食又得，凍食又都得，最啱懶人食（免煎）。

我食馬蹄糕鍾意少甜多馬蹄，而且仲鍾意佢有彈性，吾會淋滋滋。仲有，我一定要用蔗冰糖，因為佢特別香，特別好味（比冰糖或片糖）。真係好味好多呀！

另外，我嘅食譜做法會同坊間有d吾同，我係吾會煮熟個糊先蒸，我會將糊煮至半生熟，入模後個糊會好平滑，蒸出嚟就吾會凹凸不平，大家不防試吓做啦！

Q版紫薯年糕

今日改吓造型，不但成件事靚晒，仲連件糕都提升左級數添！

不過今次脫模有難度，首先新鮮脫吾到，所以將佢雪一晚，然後再用膠刮慢慢。。。小心翼翼咁脫出，好彩冇走到樣啫。

今次除左造型、米酒吾同左之外，其實都同之前冇乜分別，味道依然的好。

提外話，因有好多粉絲都問我，點解要加米酒？吾落又得吾得？會吾會有酒味？等等。這幾個問題，我已重複答了數十次😂，所以我特別響度講一次。如果有睇本文內容，應該冇人再問啦！如果再問，即是冇睇本文😥。

答案：

米酒除了同紫薯夾好之外，而且仲可以提升糕嘅味道。如果吾加米酒，味道會差少少。

阿婆年糕『竹葉年糕』

一直好想整呢款年糕，但本身未見過，亦未食過，只係聽阿媽講過。媽咪曾經同我講，呢款有葉包住蒸嘅年糕好好味（可能係佢兒時味道），所以我就幫個糕改左呢個名～『阿婆年糕』。雖然只係第一次，但賣相都算吾錯喎！

因為未見過實物，所以吾知用糭葉啱吾啱。我都有考慮過，究竟用蕉葉好？定係糭葉好？最後，我揀左糭葉（因買到），嘻嘻，駁一駁啦！鬼叫我心口有個勇字咩，（遲Ｄ再試蕉葉）。

今次除左加糭葉外，仲轉左用椰糖，椰糖味道比較香濃，還帶少少焦香味，而蔗片糖就缺少了一種獨特的味道，而且還少了一種香氣。

但如果鍾意清淡嘅，都可以繼續用片糖，蔗片糖或其他糖，因為自家製就係可以隨個人喜好而轉變，並無限制嘅。

紫薯年糕

近年，年糕已不止傳統啡色一種啦！已越出越多口味，連蕃薯都有兩款揀。如黃蕃薯就有薑汁蕃薯年糕（似食緊蕃薯糖水），而紫蕃就係我呡款啦！顏色非常浪漫，好靚好吸引。

之前從未試過加左酒嘅年糕，原來加左酒嘅年糕係食吾到酒味架，只會留有酒香。

大家千奇米問我可吾可以吾落酒，因答案只有一個「吾可以囉！」。其實食譜寫得，就即係要你照跟啦！否則我會註明可不加。講真，如果冇落酒，件糕係吾好食架（我覺得）。

*米酒除了同紫薯夾之外，而且仲可以提升糕嘅味道。*

瑤柱臘味芋頭糕

阿仔最愛嘅芋頭糕出場啦！除左新年整一次外，平日真係好少機會會做，所以今年都吾會例外，一定吾會賴低佢。

記得第一次做芋頭糕，失敗左。之後都吾敢再做，直至幾年前，因阿仔一句話："媽咪，我想食芋頭糕呀！" 咁就開始番我嘅芋頭糕之旅啦！做左咁多年，暫時仲係阿仔要求想食嘅賀年糕首選（佢鍾意重口味）。

馬蹄糕（酒樓版）

新年都有好多朋友鍾意食馬蹄糕，馬蹄糕其實一年365日都可以食到，但為左應節，我都會做少少過吓心癮。

馬蹄糕可以室溫食，雪凍食，或煎嚟食。但雪過嘅糕會變了實色，不晶瑩剔透。所以有好多朋友會揀煎嚟食，因當你煎過後，佢會變番透明，真係好神奇。但同時，亦有好多懶人，嚴麻煩，會就咁凍食。嘻嘻，我就是其中一個啦。吾理你鍾意點食，但都一樣咁好食。

食譜內加了吉士粉，與冇加係兩回事呀！如果想回味吓童年時酒樓食到嘅味道，就要試吓啦！

馬蹄雖然有好多切法，但我始終都係最愛拍碎，因為拍碎可保留更多肉汁，最重要係可以食到啖啖馬蹄肉，爽呀！

咪以為我個人好傳統，識做咁多傳統糕點，其實我真係一Ｄ都吾傳統呀！因為我個人鬼主意多多，最鍾意玩花臣，咁做人做糕都可以多Ｄ樂趣啦！

今次做了兩款馬蹄糕，有吉士同冇吉士，大家可以比較吓。

古法年糕

成日聽人講古法年糕，終於有機會親身示範一次啦！

其實古法年糕同一般年糕做法有咩分別？就係分別在手搓同開粉啦！平時做年糕，我會將全部材料攪勻，但古法就要由搓團再搓番變漿。雖然味道大致相同，但口感就一定吾同，試過你就知分別啦！

椰汁年糕

屋企大老爺最愛就係食年糕，一個人閒閒地都可以食你兩底。不過對仔女就吾好甜糕，鍾意食蘿蔔糕或芋頭糕，所以一年要做齊幾款，問你死未（想做死我）！

我除左會做傳統一底底外，仲好鍾意打破傳統框框，加以變化，做出更多得意造型，想點由自己話事。

今次除左有啡色年糕外，仲有白色添，雙拼？當然冇問題啦！嘻嘻。

椰香班蘭紅豆糯米糍

本來想做班蘭瑞士卷，至從舊年今日做過後，一直都未再做過啦！但早兩日至做完蛋糕，好似有d密咁，所以就轉左呢個點心「糯米糍」。

咁啱街市泰國鋪休息，唯有幫襯另一間印尼鋪，嘩！$4得3片咋（泰鋪$5*6片）。

士多啤梨慕士蛋糕

新玩具到手，即試齊晒咁多件配件。首先用攪拌棒打果泥，然後再試打餅碎，跟住再試埋打蛋打忌廉。同之前飛利浦同Tefal比較，靜Ｄ又輕Ｄ，暫時感覺都好滿意。

除左做一個裝蛋糕外，都可以做杯裝架。