2016年6月27日 星期一
2016年6月26日 星期日
日式紅豆包
中式豆沙包就做得多，焗嘅紅豆包真係少之又少。
今次之所以焗，都係因為屋企仲有紅豆餡淨。事關尋日做左蓮蓉餡，姐姐對我說：「太太，仲有紅豆餡未用晒喎！」，意思即是係提我舊嘅未完又做新？咁我咪唯有快手消滅d紅豆餡先囉！
今次麵團加左淡忌廉，應該會更好味。用波仔30度做二發，發酵後竟然仲個個圓碌碌，比用40度蒸氣發酵靚仔好多。
自家製紅豆餡真係好方便，又好味。除了做包外，仲可以做多款甜品。真係冇買錯部麵包機呀！
米米秘製叉燒
今日同大家示範一個秘製叉燒醬，以後有左佢，就吾洗再買叉燒醬啦！
做叉燒除左個醬重要外，買舊靚肉都非常重要。每次做叉燒，我都必定親身去買，絕對吾會交托工人姐姐做，因為我都係信自己多d（始終佢地都會易比人呃）。
今次比我買到舊靚梅頭，盛惠$120。豬肉佬通常會將梅頭打橫切（如第一刀），切開肉雪花，分部肥肉。而我今次就叫佢打直切，因為我見燒臘檔d叉燒肥肉部份係打直嘅。
今次焗法又再改左少少，再配埋自製糖漿，嘩！成件事真係意想不到的好呀！
今次成品可以話係我焗過咁多次叉燒以來最好嘅一次。以後可 以照做，吾洗再研究啦！
2016年6月25日 星期六
自家製蓮蓉餡
真係冇諗過會自己整蓮蓉餡，一直都覺得整中式餡好難，好麻煩，仲好吾健康添。 不過近期轉向中式點心挑戰，發現好多點心都會用上紅豆餡，豆蓉餡或蓮蓉餡。所以我都要識做番一兩款旁身至得啦！
基本紅豆餡已搞掂，不過都要再研究點樣可以做企身D，等遲D可以用嚟做月餅餡。
今日膽粗粗用包機試做蓮蓉，邊知部攪拌機攪吾郁d蓮子，唯有搵左個壓薯蓉器頂檔。
今次製成品效果/口感吾夠幼滑，而味道同酒樓食到吾同，不過吾緊要，都好味。
雖然吾似酒樓蓮蓉味道，但都可以用嚟做包餡嘅。
吾通真係要炒至得！？
今日膽粗粗用包機試做蓮蓉，邊知部攪拌機攪吾郁d蓮子，唯有搵左個壓薯蓉器頂檔。
今次製成品效果/口感吾夠幼滑，而味道同酒樓食到吾同，不過吾緊要，都好味。
雖然吾似酒樓蓮蓉味道，但都可以用嚟做包餡嘅。
吾通真係要炒至得！？
2016年6月23日 星期四
2016年6月20日 星期一
香蕉鬆餅
今日放工返到屋企，即急不及待去整呢個蛋糕，30分鐘搞掂，焗得。
因為姐姐正在準備晚飯，而我就響度搞搞震阻住晒（要同佢爭地頭，哈哈。）
由於玩即興（無拿拿嚟整蛋糕），所以今次冇影到製作步驟/過程。
因為姐姐正在準備晚飯，而我就響度搞搞震阻住晒（要同佢爭地頭，哈哈。）
由於玩即興（無拿拿嚟整蛋糕），所以今次冇影到製作步驟/過程。
2016年6月19日 星期日
提拉米蘇 TIRAMISU（無蛋配方）
今日父親節，所以特別為爸爸準備左個父親節蛋糕，當係仔女孝敬吓爸爸啦！
爸爸每日辛勞工作，今日也不例外，真係辛苦晒啦！爸爸，父親節快樂。
今次改用無蛋配方，主要係吾想食生蛋或做多項處理雞蛋步驟，一來方便，二來又慳功夫。其實我覺得味道冇太大分別（我要求吾高），仲慳番幾蚊添，哈哈！
今次改用無蛋配方，主要係吾想食生蛋或做多項處理雞蛋步驟，一來方便，二來又慳功夫。其實我覺得味道冇太大分別（我要求吾高），仲慳番幾蚊添，哈哈！
2016年6月17日 星期五
廣式棋子餅／月餅皮
早一個月前，我同大家曾經分享過【古法糖漿】做法，吾知大家仲有冇印象呢？
時間過得好快，眨吓眼又一個月啦！終於可以揭曉啦！其實我想整乜？之吾係「豬籠餅」囉！不過我冇豬模，所以用左月餅模頂檔。
想當年，月餅都算係一種奢侈應節食品，而且仲吾係家家戶戶都能食得起。如果大家有睇過「歲月神偷」的話，都應該會明白（我簡直有身同感受嘅感覺！哈哈。）。年代吾同，依家應該都好少人會認識佢「豬籠餅」。
話說「豬籠餅」由來係由於當年造餅師傅會在焗月餅前先試爐溫，用來測試月餅的餅皮能否鬆軟適中。於是就會先將冇包餡的麵團來做測試，而這種實驗品正是「豬籠餅」啦！然後將「豬籠餅」放入小竹籠（扮豬籠）內，會隨月餅附送（贈品）。
話說「豬籠餅」由來係由於當年造餅師傅會在焗月餅前先試爐溫，用來測試月餅的餅皮能否鬆軟適中。於是就會先將冇包餡的麵團來做測試，而這種實驗品正是「豬籠餅」啦！然後將「豬籠餅」放入小竹籠（扮豬籠）內，會隨月餅附送（贈品）。
雖然外貌丑左d，但味道。。。就係佢啦！兒時嘅味道呀！
2016年6月16日 星期四
三色豆沙包
經過兩次（中式點心）失敗後，終於都做番樣似d樣嘅中式包啦！
雖然同一樣餡，但就做出三款吾同味道。係咪好特別呢？其實只需花點心思，就可做出不同變化。
今次我加左紫薯粉，可可粉同黑芝麻醬，做出三隻顏色，你又鍾意邊款呢？
2016年6月15日 星期三
2016年6月12日 星期日
老婆餅
今日辛苦左成日，連街都吾出，就係為左整佢，可惜，辛苦得來未有回報。
雖然外表似模似樣，名符其實有姿勢冇實際，哈哈。我對今次成品嘅效果同味道都有點失望，並不是心目中要求，所以吾合格。
今次不是一個完美食譜，所以破例不公開，純分享算吧。
2016年6月11日 星期六
自家浸荔枝桂花陳酒
其實上年已想浸荔枝酒，但因季尾買吾到靚荔枝，所以始終都浸吾成。
時間過得真快，又係荔枝開鑼嘅季節啦！早幾日惠康購物時，見到有荔枝「妃子笑」，青BB，細細粒，要$3X盒（約一磅多d），好似都幾貴咁，所以最後都冇買到。
今日經過街市，又見到有「妃子笑」，$18磅，見檔主切開左幾粒陳列，見佢大粒d，核仔又細細（好似糯米糍），所以買左兩磅，跟手再去埋惠康買左兩枝桂花陳酒。
返到屋企，當然立即開工啦！首先浸洗荔枝，然後消毒玻璃樽，再。。。。。荔枝去殼時，已聞到陣陣飄香，阿女仲忍吾住偷食左幾粒添。
吾知生果檔係咪呃人，因為d荔枝起碼有一半係大核架。其實大核同細核嘅荔枝除左粒核吾同大細外，仲有味道都吾同架。大核荔枝味道係清甜帶微酸（似桂味），細核就濃甜（似糯米糍）。
講吓桂花陳酒先，顏色係偏紅，聞落估吾到又幾香喎（我覺得比米酒同清酒香好多）。將桂花陳酒加埋荔枝浸，出嚟嘅成品，我估應該都幾好飲（浸緊都已咁香），不過要等半年後至可以報告給大家知，好啦！半年後就有得飲啦！
2016年6月9日 星期四
紫薯流沙奶黃包
之前包糭淨番勁多咸蛋黃（已焗熟），掉又好似好大嘥，食又吾知點食法。今日終於比我諗到點用佢啦！就係用佢嚟整奶黃餡囉！仲可以快速清貨添。今次做法好創新，而且仲非常簡單易做，以前係從未試過架。估吾到原來只靠一部攪拌機，禁個制，話咁快就搞掂晒啦。。。得左。
不過今次我冇影到出爐個樣，因為。。。d餡走晒出嚟，太丑樣，真係冇面見人。嗚！嗚！嗚！點解會咁架？真係十萬個吾明，R晒頭。
它。。。雖然很丑，但它。。。味道真係好好。味道同新星酒樓食到嘅流沙奶黃包幾乎一模一樣（只差賣相）。希望下次可以做到似模似樣又靚靚仔仔嘅流沙奶黃包啦！因為阿仔同阿女都好鍾意食奶黃包呢！
包皮 > 中式饅頭做法
*因屋企有紫薯粉淨，又就到期，所以我咪加埋落去麵團度囉（10g紫薯粉），另外我仲加左1茶匙椰子油添。
*因屋企有紫薯粉淨，又就到期，所以我咪加埋落去麵團度囉（10g紫薯粉），另外我仲加左1茶匙椰子油添。
麵包機打好麵團，滾圓，靜止15分鐘。
奶黃餡平均分為12份
麵團平均分為12份，包入餡，收口向下，包底加一張牛油紙。
發酵30分鐘
大火蒸15分鐘，完成後將爐門打開小許空隙（門可夾住一隻隔熱手套），
待散氣5-10分鐘後才出爐。
2016年6月6日 星期一
2016年6月5日 星期日
豆沙鹼水糭
為左滿足老公嘅要求，唯有加開特別場，再推出一款「鹼水糭」。
好彩屋企仲有十片葉同食用鹼水，不過就爭咁樣餡囉。好彩屋企又有紅豆啫，可以自製紅豆饀，咁餡方面就可以解決左啦！
加埋加埋，依家手頭上嘅材料夠我變出幾隻「豆沙鹼水糭」啦！哈哈。
2016年6月4日 星期六
咸肉糭
其實我本身吾係太好食糭，包糉只係為左家人。我家人比較麻煩，一個話要食咸肉糭，一個又話要食上海糭，鹼水糭。不過鹼水糭得老公食，而且仲係話食兩隻，點包呀大少！咁少！最後，我只係包左三款，鹼水糭No啦！（或者，可能會加開）
2016年6月3日 星期五
燒肉糭
今日放假一天，就係為左包糭囉。
近幾年端午節，我都會親手包粽，「糭」會有你。
今年都吾例外，不過真係包都傻，人都癲呀！哈哈。
今次蒸糯米用左水波爐，再用跟機焗盤，薄薄地鋪平咁蒸，真係快過舊年用深盤蒸好多。
首先介紹第一款【燒肉糭】，算係最麻煩一款，但阿女要求到，冇計啦！
