紫薯芒果忌廉瑞士卷

我這個瑞士卷新人皇，還未掌握到捲的方法，可能係焗嘅過程或方法出錯？又或者係材料份量出問題？相信還要有待研究研究。。。

不過，如要求吾高嘅話，應該都可以收貨掛！

牛油忌廉軟包

我個人比較喜歡多方面發展／嘗試（烹飪方面咋），除了甜品，糕點及小食外，間中都會做下手搓麵包。因為家有麵包機，所以大部份時間都會由包機搞掂。

見今日有時間，咁就玩吓搓包啦！雖然看似冇特別，又冇造型，但其實包包是軟綿綿，香嘖嘖，很好吃架。

紫薯饅頭

屋企有少少紫薯粉，不過又吾夠做蛋糕，所以就做轉左呢個饅頭啦！紫薯味道不太濃，但比原味饅頭香Ｄ。

果仁咖啡曲奇

開心果／花生咖啡曲奇

第一次買開心果仁，第一次用開心果仁做曲奇，原來佢咁好味，吾怪得賣咁貴啦！

一條曲奇成本都吾平，所以為左攤分成本，另一條做左花生，不過味道就差好遠。如果吾用開心果仁，建議用美國原味枯仁，味道會好過花生，合桃或腰果。

蛋撻（水波爐）

成日見人整蛋撻好靚，但我又冇菊花模，所以唯有淘返嚟，襯自己仲放緊假，要快快趣試吓先得！正所謂『功欲善其事，必先利其器』。

芝麻豬仔包

今日除左整蛋撻，再整多個麵包。屋企淨番少少豬油同白芝麻，就用埋佢地嚟整包包啦！

日式芝士蛋糕

芝士蛋糕之中，日式蛋糕算係最好銷路。不旦可以即食，還可雪凍至食，便是另一種風味。

半熟芝士撻

今日大年初一，晏Ｄ要去老爺屋企拜年，除左曲奇之外，仲要整Ｄ近期大熱嘅芝士撻去至得。（因芝士撻要即日食，所以平時冇機會比大家試到。）

花生酥

2016 拜年手信『花生酥』

今日出『酥』吾整糕，『酥』Time！都算『酥』花 (生) 『酥』good啦！

瑤柱臘味蘿蔔糕

蘿蔔糕可以說是新年食品的代表作，居家必須。嘻嘻！

自從愛上下廚後，每年我都會自家製所有賀年糕點，如蘿蔔糕，芋頭糕，年糕，馬蹄糕，紅棗糕，紫薯糕等等。講真，我都冇再買糕好多年啦！記得最癲個年，我傻到整左幾十底（派吓街坊），諗番起都覺得癲呀！不過案件應該吾會再重演，因為我已學識放下，吾會再比咁大壓力自己。所以今年開始，如無人特別要求，我只會整比媽咪。

今年雖然未開始整，但已有粉絲趕住問，所以搵左D舊作嚟頂住先。我係用水波爐蒸，一次最多可蒸到十底架（不過我只做得5底），你話利害吾利害？！哈哈。