麻蓉包

趁買左中筋粉，就整多d中式包啦！尋日專登整定個麻蓉餡，雪左佢一晚，今晚就可以有餡做饅頭啦！

如果想快，其實搓完個餡後，可以放入冰箱雪兩個鐘，夠硬就包得㗎啦！

今次冇加泡打粉，效果感覺比有加嘅差少少。

中式饅頭做法

麻蓉餡做法

燕麥饅頭

話時話，好似真係好耐冇整過饅頭啦！對上果次係幾時？真係吾記得啦！如果吾係今日買左呢包粉，相信都未必會有得食呀！

今日去開Times Square攞野，所以順便去埋渣甸坊買材料，點知比我無意中發現呢包鼎泰豐中筋粉（之前有谷友介紹過），所以我都吾執書，即刻買番包試吓啦！

因我冇心理準備，所以屋企冇啱做中式包嘅餡，咁就做個簡簡單單嘅燕麥饅頭頂住先。

（內部組織）

鳳梨餡

用地們金菠蘿嚟做嘅鳳梨餡真係好正，甜中帶有點微酸，而且仲啖啖菠蘿香。

提提大家買菠蘿嘅時候，最緊要識揀。。「牌子」，千奇吾好買錯，費事嘥心機之餘，仲嘥時間呢！所以大家一定。。一定。。一定要買啱呀！重要嘅事梗係要講三次啦！

買菠蘿，我首選地們菲律賓金菠蘿，因為佢有菠蘿味，香，甜，帶點微酸，真正係食菠蘿有菠蘿味。

其實我都試過幾隻牌子，而大部分都只係得個甜字，冇菠蘿味，吾香。買勻晒港島多間大型超市，我最鍾意都係Sogo嘅金菠蘿，不過佢吾係原個菠蘿賣架，係預先去好皮，去左芯嘅原個切片菠蘿，賣三十幾蚊一個，比超市貴4-50%呀！其次，我會揀地們菠蘿，不過冇乜超市見有賣，我都只係響百佳，Taste買過咋。另外，CRC，U Select多數係Dole菠蘿，我覺得比地們差D。至於惠康嘅菠蘿，我覺得係最差，得甜冇香味。

有時遇到靚菠蘿，但又吾知幾時用？吾緊要，因可以做定放冰箱，放半年都得架。不過通常我都吾會擺多一個月就食晒啦！哈哈。

如果買番嚟太生（青綠）都吾緊要，只要放室溫兩日（夏天），菠蘿就會發出陣陣香氣，果皮會逐漸變橙黃，當大半個果皮變橙黃色時，其實已可以用得架啦！吾好等到整個變晒黃色呀！因太耐／太熟會出水（汁）架，D肉就變乾冇汁，用吾到啦（我試過）！

材料：（300g）

金菠蘿　　2個
砂糖　　　4湯匙
麥芽糖　　4湯匙（試味加減）

做法：

1. 菠蘿去皮去芯，將肉刨／切絲，隔出汁液（果汁可雪凍或加冰飲）。
2. 白鑊細火將菠蘿及砂糖煮至乾身（約30-40分鐘），然後加入麥芽糖炒勻（試味），繼續再煮至乾身（約10-20分鐘）。
3. 放入保觧盒，面緊貼上保鮮紙，放涼後存入雪櫃，雪一晚以上即可做餡（結實）。
4. 用前取出，分割所須份量。

土鳳梨酥（有鹽＋值物牛油）

原來已有一般時間冇做過鳳梨酥啦！記得第一次正式做鳳梨酥，真係落足本錢。我並吾係指材料，而係講緊配件咋。

為左做到一個完美鳳梨酥，可以去到幾盡？真係吾講得笑㗎。首先，我搭同事嘅朋友從台灣幫我網購，買左廿個模加一個手壓棒，如果冇呢套模，我一定吾會開始做鳳梨酥。

有左靚外型後，又想有個靚包裝襯番，於是我再四處搜羅，不過香港實在搵吾到靚嘅包裝，最後唯有淘寶買番嚟，不過就貴左少少囉。為左要靚，成件事完美，都冇計啦！

最後，內涵有啦！賣相都有啦！但始終都覺得未夠完美。一向追求完美（盡量）嘅我，幾經掙扎，最終都屈服買埋部封口機，希望可以密封好d，keep好d，送比人都大體d嗎！嘻嘻。

話說上星期買左兩個菠蘿，本來打算做飯後果，點知原來屋企仲有好多橙同蘋果（擺左成個幾禮拜），見菠蘿已夠熟，遲d食又怕變質，所以想盡快解決個菠蘿，而最佳辦法就係用嚟整鳳梨餡啦！餡仲可以整定放冰箱（可以存半年）。不過我梗係吾會擺咁耐啦！只係雪左幾日啫。

今次我用左新買蘿蔔刨（7mm）刨粗絲，真係刨得好爽呀！吾洗切餐死啦！哈哈！

抹茶木糠布甸

為左快d清埋前兩日淨左d忌廉，同埋淨左嘅餅碎，所以今晚就再做多一次木糠布甸啦！

今日我都係做茶味木糠布甸，吾係做原味呀！因為我覺得Oreo配抹茶比較夾d同好味d。

伯爵茶木糠布甸

最近聽朋友講，話東海堂中午會有木糠布甸賣，仲話好抵食，每盒只須$36咋（牛油蛋糕size），不過我就無緣買到啦！因為放工果時都賣晒。咁我唯有自己整啦！仲抵食添，哈哈。

今日趁有時間，就整番個木糠布甸做甜品啦！不過我又想食得特別d喎，不如就試吓伯爵茶布甸啦！其實木糠布甸我都做過幾次，但就未試過用伯爵茶嚟做，希望會有新驚喜啦！

木糠布甸可以稱得上甜品中最易做之一，仲係消滅忌廉的最快速方法。平時我都係用馬利餅碎，但今次因為做嘅係伯爵茶忌廉，所以驚餅碎會同忌廉一樣色（吾起眼），如用Oreo餅碎咪得囉，不過超市只得夾心Oreo，咁唯有返屋企自己加工啦（將層夾心刮走）！

講開呢隻伯爵茶，係我一位粉絲Iris Clare Li送比我試（iHerb網購伯爵茶），真係好多謝Iris咁有我心。今日終於有機會試啦！當我打完個忌廉，阿女就話要試味，試完仲話「好味呀！」，跟住就影相（茶盒）。呢隻伯爵茶好夠味，味道好濃郁，如果大家都想試，就要去iHerb網購啦！

其實早幾年，我對伯爵茶都吾太試欣賞，但自從做過戚風蛋糕後，我就開始愛上了，而近年加上阿女又愛上伯爵茶甜品，所以我地都會試不同牌子，但今次算係好味其中之一款。

唧花牛油曲奇

早幾日睇東張西望，見到介紹舊式餅鋪曲奇，原來佢地係用左植物牛油溝牛油，仲加左吉士粉，只用蛋白冇蛋黃。仲有講每樣材料嘅作用，如大家想知詳細，可以去Youtube睇番。不過材料份量就冇講到啦！所以我唯有自己調教。其實片段入面並無加入粟粉同雲呢拿油，只係我自己試吓咋。仲有，相信以前嘅年代，應該仲未有無鹽牛油出現，所以我將材料裡面嘅牛油用左有鹽牛油囉！

等我同大家講吓今次有咩分別啦！首先講吓麵糊，麵糊質地同以往冇太大分別，一樣會唧爆袋囉，哈哈。至於焗嘅情況，就同以往有好明顯吾同，今次真係冇焗到出油，仲吾會溶晒一pat（冇晒花紋走晒樣），花紋仲可以保持得好靚。由於今次係試驗性質，所以冇影過程，而且仲唧得有d Hea添，哈哈。最後，味道雖然吾似舊餅店曲奇，但都好好味架。