「米」豬年 - 紅運當頭『紅豆年糕』 - 2019

今晚其實想做生磨糯米年糕（攪拌機版），但驚時間有D趕，又吾想有壓力，所以最後放棄了。不過，我冇偷懶到，有做嘢架，只係轉番用糯米粉咋。哈哈。

今年做左幾款年糕，全部都係冇餡嘅，口感比較單調，所以今日特登做一個，加入紅豆嘅年糕，令口感更加豐富同實在。

其實呢款年糕，我吾係未做過，記憶中.....可能、應該、或者都有10年啦！

不過，十年人士幾翻身，今時今日嘅我，已經吾同晒啦！因人會進步，糕都會進步架！

「米」豬年 - 芋芋平安『瑤柱臘味芋頭糕』- 2019

芋頭糕都算係賀年糕點中的大配角，所以我每年都會準備（其實係為阿仔準備）。

自家製真材實料，所以我會加勁多芋頭肉，不但要啖啖食到芋頭，仲要連粉漿都充滿芋蓉，超正呀！

今日雖然好似有d手忙腳亂，但其實都好有次序，冇蝦碌都算係咁啦！哈哈。

講真，每年過年，都係全靠姐姐幫手咋，冇左佢邊會整糕食，哈哈。

「米」豬年 - 包蘿萬有『瑤柱臘味蘿蔔糕』- 2019

新年指定動作，屋企必備嘅「蘿蔔糕」。如果自己食，可以留待年廿九先做，但送比人就最後今日啦！嚟緊又返工，又團年飯，冇時間做啦！今日仲要一次過做齊兩款糕添（蘿蔔糕同芋頭糕）。好彩今年減左產，所以可以輕鬆完成，絕對難吾到我（姐姐）呀！哈哈。

今次我又改左少少做法，因為希望可以同時間處理兩款糕囉，其實都係駁吓咋，鬼叫我心口有個勇字咩，好彩冇令我失望，仲好有驚喜呢！

一早準備晒材料（臘味同瑤柱），然後炒香備用。之後就刨蘿白，然後蒸，蒸到透明即代表得啦！蒸完大約有一杯水，可以用嚟開粉。趁蒸緊就可以處理芋頭（刨皮切粒），當煲水嘅時候，就可以開粉。真係忙到冇停手，要爭取每一分每一秒。最緊要吾好亂，一步一步嚟，頭腦要清晰，安排要有序。

下年又可以跟呢個蒸蘿蔔做法，吾怕炒蘿蔔出太多水，比以往更容易控制。

「米」豬年 - 甜爺爺『椰汁年糕』 - 2019

2019第三款年糕『椰汁年糕』，其實即係古法年糕加入椰漿，係我最鍾意嘅質感同味道。

我一直都覺得糯米粉有陣粉味，就算用上最靚嘅李祥和糯米粉，一樣都會有，但如果加入椰漿，就可以蓋過粉味啦！這就是我鍾意椰汁年糕嘅最大理由啦！

今次造型要優雅有優雅，要可愛有可爰，要四正有四正（外賣）。其實無論咩造型，內涵先至最重要。

簡約、優雅、懷舊造型（新鮮出爐樣貌）

可愛、童話、吸睛造型（雪了兩日樣貌）

簡約、大方、高雅禮盒裝

室溫放涼一晚後樣貌

「米」豬年 - 豬籠入水『古法年糕』 - 2019

「米」=「米米」，「豬」=「豬年」，「年」=「賀年糕」。即代表米米豬年賀年糕系列正式啟動。今次再配埋個豬頭模，集齊一班豬隊友，係咪更加應節呢？哈哈。

講起『古法年糕』，都算係我嘅賀年糕類別嘅重頭戲，因為我Blog內 "農曆新年" 系列「檢視次數」名列榜首（有接近15,000次觀看）呀！真係冇諗到，原來古法年糕都會有咁多人鐘意。

今年再接再勵，繼續堅持人手搓粉，盛傳傳統做法，做出大家喜歡的古早味道。

由於今年買的增城蔗糖比舊年嘅淺色，所以今次嘅年糕都淺色了，而且甜度都淡了。

「米」豬年 - 步步高陞『椰糖年糕』- 2019

之前做班蘭蛋糕淨左D椰糖，而糯米粉又啱啱夠數，咁就成就左呢個椰糖年糕啦！

雪左一日後，雖然仲有少少黏，但只要小心D，都可以脫到好靚仔嘅腳仔。而Kitty就完全冇難度，輕易脫出。兩款造型係咪都非常吸睛呢？

希望大家都好似腳仔咁，一步步向上，步步高陛啦！