芝麻糕

好耐冇食芝麻糕啦！其實已經想食好耐，不過一直都冇整到，亦冇買到。

今日趁住放假，就郁手整嚟食吓啦！

香芋卷

今日終於做左條香芋卷，都算似模似樣呀！雖然吾係滿分，但都有90分呀！哈哈。

吾知係咪蛋糕太厚，又或者芋蓉太實，定捲得吾夠溫柔？點解會有裂痕呢？

最近開始同4S熟絡，已熟識佢嘅皮性，所以呢幾次都做到穩定／鬆軟／理想嘅效果，最重要係冇再下塌或回縮呀！希望可以繼續保持水準。

原味蛋糕（分蛋法）

通常做戚風蛋糕，古早蛋糕或瑞士卷，都會用到分蛋法。

今日就趁我做開蛋糕，就順便同大家講解吓啦！

大家記住，蛋白霜穩定性係好重要㗎，千其吾好偷懶，一定要認真小心處理。

蛋黃加菜油及牛奶完全拌性融合

篩入低筋粉拌勻

蛋白

打至白色泡沫，加第一次糖。

打至厚身有阻力泡沫，加第二次糖。

打至現紋路，加第三次糖及粟粉。

打至濕泡性後，轉慢速打一分鐘，令蛋白霜氣泡變得變細密及幼滑，有光澤。

將1/3蛋白霜加入蛋黃糊內拌勻，然後倒回蛋白霜內，輕手cut & fold快手拌勻。

倒入模掃平，輕力在檯面凳兩下。

放入已預熱 (合適溫度) 焗爐

芋蓉餡（適合：蛋糕／饅頭／三文治）

吾知大家有冇食過台灣香帥芋頭蛋糕呢？因疫情關係，自己或身邊朋友都冇得飛，所以好耐冇食過啦！

最近整完個原味戚風蛋糕（做法），覺得如果襯埋個芋頭餡，味道應該都會幾吾錯。

材料：

芋頭肉　　400g（100%）

砂糖　　　40g（10%）

鹽　　　　少撮

牛奶　　　80g（20%）

煉奶　　　12g（3%）

做法：

1. 芋頭去皮洗淨，切粒放碟蒸淋（約20分鐘）。
2. 加鹽及糖壓蓉，倒入半份牛奶撈勻，再加入剩下牛奶撈勻（喜歡杰可以減少牛奶）。
3. 放入保鮮盒，芋蓉面緊貼上保鮮紙，放雪櫃雪一晚才使用。

士多啤梨忌廉蛋糕

基本上，每年唯一一次自製生日蛋糕，都係為左老公。但今年好破例，竟然阿仔都有份。因為阿仔生日係平日，而我又要返工，所以唯有分兩日預備，一日焗蛋糕，一日做慕士。

雖然只係一個簡單蛋糕，但心意才是最重要。

戚風蛋糕 / 古早蛋糕 / 海綿蛋糕分別

有好多人都吾識戚風蛋糕 / 古早蛋糕 / 海綿蛋糕嘅分別，會認為佢地都係一樣，冇分別呀！當我每次解釋完，佢地都會覺得咪又係差吾多，吹漲，哈哈。

吾緊要，講你吾明，搵埋片你地睇，夠詳細啦！以後應該識得分別啦？

去片

~ 焙茶古早蛋糕 ~

~ 伯爵茶戚風蛋糕 ~

~ 原味海綿蛋糕 ~

原味戚風蛋糕 / 雪芳蛋糕 / 綿花蛋糕

吾好比佢停，再接再厲，好開有條路，繼續多練習，多實習，保持最佳狀態 (講個蛋白霜咋😜)。

平時嘅慕士蛋糕，多數都係海綿蛋糕夾層，但其實用戚風效果都好好㗎，所以間中都會咁用 (其實好少做慕士蛋糕😜)。