焦糖杏仁曲奇

早排買材料時，發現有包杏仁粉過左期，所以我就叫老闆不如送比我，等我試吓有冇壞，有壞至吾要。（因老闆通常會mark有效期好短，所以應該吾怕。）

今日放假，見時間尚早，阿女又未瞓醒，橫掂無無聊聊冇事做，不如就搵D野整吓啦！

記起之前有包過期杏仁粉，試過冇問題，就用左佢先啦！吾好嘥。

呢個曲奇同平時曲奇口感完全吾同，咬落吾係脆，又吾係淋，有Ｄ肉英國牛油曲奇，又有Ｄ似英式鬆餅，好鬆化架，真係估佢吾到。

奶黃包

之前做月餅淨番少少奶黃餡，尋晚又淨左少少麻蓉餡，所以今晚就嚟行個孖 bit 啦！包包兩味，第一味奶黃包，第二味麻蓉包。造型個個圓碌碌，蒸完就會漲卜卜。

今晚個包皮比尋晚好食，其實搓麵團已感覺得到。因為今晚睇全打團，摸吓感覺有Ｄ乾，於是一邊攪一邊加，加到認為夠至停，應該都加左有20g。所以液體要視乎用水定牛奶啦！用奶係要比水多架。

仲有，今次我一滴油都冇落到，亦吾知關吾關事，個包皮好似冇尋日冇咁滑同咁靚。又可能今次用左蒸氣發酵？不過吾緊要啦！最緊要好味就得啦！

麻蓉包

叉燒包，臘腸卷，蓮蓉包，奶黃包，通通都試過整啦！但麻蓉包真係第一次，聽落係咪好陌生呢？！

記得細個果時，我媽咪每次上酒樓都會必食，但我一班姊妹就只會食蓮蓉包同叉燒包。大下大下，依家反而變左會想食，但酒樓已很少機會見到，何況可以食到呢！

不過吾緊要，凡事都可以由冇可能變得有可能，因為自己識整野食，就乜都可以整啦！

麻蓉餡

材料：（約500g）
已烘白芝麻 150g
低筋粉         100g
糖霜             100g
煉奶             70g
花生醬         50g
豬油             25g
清水             適量

做法：
1）白芝麻打碎
2）低筋粉白鑊炒熟，然後過篩。
3）低筋粉加入其他材料搓勻成團（太乾可逐少加入適量清水）
4）放雪櫃雪一晚
5）將麻蓉餡平均分割等份，滾圓，放冰箱儲存備用。

脆皮金莎奶黃月餅（脫水牛油版）

今日再試焗奶黃月餅，搵左舊年，再舊年，再舊舊年嘅模片嚟印花。今次也有輕微象腳，但方模好似比圓模冇咁嚴重，總括都可接受。

今次焗法又改左少少，冇用咁多焗盤。首先放跟機焗盤在下層，然後放烤架。月餅焗盤鋪一塊矽膠墊，再鋪一塊不黏墊，面再放上月餅（脫模）。

雖然焗法同綠茶奶黃月餅差不多，但綠茶月餅嘅花紋好似立體D。如果下星期有時間的話，我再試吓焗紫薯奶黃月餅。

自學保鮮花

有時見到一d新事物，會有一鼓好想學嘅衝動，原來吾單止煮野食，連手工藝都有機會架。

吾知點解，突然會想插花，好似有種魔力咁，越睇你會越來越愛上，吾通中左花毒。哈哈。

由一盆選花開始，由我最愛的紅玫瑰至太陽花，每一盆都是我精心挑選，好彩出嚟效果冇令我失望啫，各有特色，各有魅力。

焦糖慕士青蘋果柚子夾心蛋糕

開Blog以來，第一次被邀請參加工作坊，好開心呀！吾止有得玩仲有得食。

綠茶脆皮奶黃月餅（2017新口味）

今年我又推出一新口味【綠茶奶黃月餅】，真係從未試過，亦冇想過會做。哈哈。

其實我自己吾係咁好綠茶甜品，有得揀一定吾會揀。大家係咪想問，咁點解又要做綠茶呢？事關尋日放假，諗住做幾個月餅比媽咪，點知吉士粉只夠做奶黃餡，搞到個皮吾知點算。

於是搵勻全屋，都只係搵到可可粉，士多啤梨粉，紅麴粉，咖啡粉同綠茶粉。最後，我決定用綠茶粉，因為好似夾d，顏色又好似靚d囉。

今次個餅皮手感上比用吉士皮乾身，全程都無需戴上手套，搓團也不太黏手。今次造型至完成，花紋都算冇太走樣，可以出到7-8成。原因吾知關吾關今次焗法呢！

不過我用水波爐關係，所以焗嘅方法同過程，我都係以水波為主。而其他傳統焗爐，可以跟番自己過往做法做就得啦！

首先，將跟機黑盤放下層，面放跟機烤架。再準備自購大焗盤，鋪上矽膠墊。再用另一自購中焗盤，面放不黏墊/牛油紙，然後放上月餅。

水波爐焗月餅比傳統焗爐，真係麻煩好多，仲要失敗率高（象腳）。

今次過程還算順利，希望下次能保持水準啦！

金莎奶黃餡（月餅／糕點適用）

呢款奶黃餡，如學識左，以後都會有好多機會用得著架。

脆皮金莎奶黃月餅

今年第一批奶黃月餅，雖然每年都做，但就每年都會繼續失手，事關水波爐只得上發熱線，所以真係好難捉摸呀！記憶中傳統焗爐好似冇咁煩惱。冇計，本著實出事精神，迎接個結果，咁就會好過d啦。哈哈。

今次雖然改良左個餡，但現實永遠係好殘酷，照冇破例同樣出現最難搞嘅問題「象腳」。都吾知有咩方法可以斷絕。Down晒。

食譜仍有待改進，要再研究研究。

*補充：16/8已研究成功，食譜👇👇

材料：（8個50g模）
無鹽牛油　　50g

糖粉　　　　30g

蛋黃　　　　12g

全脂奶粉　　12g

低筋麵粉　　70g

吉士粉            8g

雲尼拿油　　1g
奶黃餡　　　200g （奶黃餡做法）

做法：

1. 牛油加糖攪勻，加入蛋及雲尼拿油攪勻。
2. 篩入低筋麵粉、奶粉和綠茶粉搓勻，然後將麵糰分割成8等份，搓圓（每份20g）。
3. 將奶皇餡分割成8等份，搓圓（每份25g）。
4. 將餅皮按平，周邊薄，中間厚，不要太大片，只需包裹到2/3餡就夠。
5. 包入一粒奶黃餡，餅皮緊貼餡，然後用手虎口位將皮向上推上並收口。
6. 餅模灑上高粉（多餘凳出），麵團撲上少許高粉（多餘掃走），然後放入月餅模內（收口向外），放上焗盤，然後小心垂直按壓（停留動作5秒），保持垂直鬆手脫模。
7. 將整盤月餅放入冰格，冷藏30分鐘。
8. 預熱焗爐250度，餅面噴少許水，入爐焗5分鐘，出爐掃蛋黃液，攤涼十分鐘，再掃一次蛋黃液，入爐200度焗5分鐘。
9. 出爐後，放涼十分鐘，小心搬放跟機黑盤，180度焗5分鐘。
10. 出爐後，整盤放涼一晚（面放一張牛油紙遮蓋）。
11. 第二日可以入保鮮盒或包裝，如兩天內未食完，要放雪櫃儲存，食前用焗爐150度焗5-10分鐘。

芝麻糕

好似好耐都冇整過啦！又係時候要重溫吓。

今日難得與親戚聚會，又點可以兩手空空呢！所以我尋晚已焗定奶黃脆皮月餅先，等今日再蒸多個芝麻糕，一於打孖上。

做法 👉 芝麻糕

蠔皇叉燒包

大家應該都知叉燒包分兩種，一種係酒樓食到嘅中式"蠔皇叉燒包"，另一種就是麵包鋪買到嘅"焗叉燒餐包"。佢地除左個名、外型同口感吾同之外，其實個餡都有分別架。中式餡最重要除左個主角叉燒外，配角都好重要架，個配角係靈魂嚟添！配角係咩？之吾係“叉燒芡”囉！個芡如果做得吾好，如太甜、太咸、太杰或太稀，個包都會吾好食。

所以想做一個好味叉燒包，一d都吾簡單呀！不過家庭式製作，又點可以同酒樓比呀！所以最緊要啱自己口味啫！

試做過幾款叉燒芡，今次都算吾錯，咸甜味道適中，不會太甜，又不會太咸。而叉燒同芡嘅比例又啱啱好，吾會醬多叉燒少，又吾會叉燒多醬又吾夠。

今次我做左兩倍份量，因我除左要做叉燒包之外，仲要留番嚟做叉燒酥呀！以下份量可以做到大6個，想做大份D就照乘大份量得啦！以後焗一次叉燒，就可以有幾種食法啦！

饅頭皮（饅頭做法）

叉燒餡材料：（6個）

料頭：

生油 1茶匙

洋蔥 1/4個（切塊）

薑片 1片

蔥頭 1粒

蔥 3條

芡汁：

砂糖 15g

生抽 4g

老抽 4g

雞粉 1g

蠔油 8g

清水 50g

胡椒粉 少許

麻油 少許

埋芡：

生粉 5g

粟粉 5g

清水 33g

做法：

1. 將料頭爆香，加入芡汁，煮滾後轉慢火煮多10分鐘。
2. 將料頭隔走，然後加生粉水埋芡，煮至熟透後可熄火。

組合：

叉燒粒 100g

叉燒芡 65g

洋蔥粒 1/4個（切粒）

1. 將洋蔥炒至軟身，熄火。
2. 加入叉燒粒及叉燒芡撈勻，雪一晚。

伯爵茶戚風蛋糕

天氣咁熱，真係提不起勁整野食，但難得係假期，吾整又等幾時呢！所以今日要搵樣易搞嘅嚟做。

首先諗起嘅係戚風蛋糕，因戚風蛋糕算係易做得嚟又好味嘅其中一種蛋糕，而且味道仲可以好多百變，由基本原味至生果味，茶味，通通都冇難道呢！

所以今日就用左妹妹去英國買返嚟嘅伯爵茶包，做一個伯爵茶戚風蛋糕啦！

戚風蛋糕做得好，最關鍵係打蛋白，如未打夠或打過龍，結果都會一樣。。。失敗。所以一定要多練習才可以成功。