冰糖陳皮燉檸檬（完美篇）

正所謂『工欲善其事，必先利其器。』，其實我一直都好相信。所以為左日後方便繼續燉。燉。燉。唯有向現實屈服，終於買左部燉盅啦！希望以後可以做得更好，將最好的。。。給家人。

最始我打算今次用西西里檸檬燉，仲訂埋貨（貨會8/12到油麻地果欄），可惜果欄話暫停送貨，仲係冇得留貨，要先到先得，咁冇法啦！唯有放棄。不過重點係，我未有燉盅呀！哈哈。

其實買一個電燉盅吾難，但要買一個合我要求就有ｄ難。我要求其實好簡單，一> 隔水蒸燉（非明火，容器不能直接受熱，否則就不是燉），二> 容量大（3L以上），三> 外型（吾老套，吾太大件）。電子瓦罉，壓力煲，智能煲等，全部都吾啱要求，因為佢地都係明火。

最後，比我揀左呢部「樂信牌」陶瓷蒸燉湯煲（最新款），佢外型吾老套，容量又夠大（3.5L），仲係多功能添。上述幾點已滿足晒我嘅要求。

如果大家吾介意普通檸檬嘅苦澀味，又吾介意普通檸檬嘅口感，咁就吾一定要搵／買西西里檸檬啦（聽講西西里皮厚，肉汁多同味濃，口感煙韌有咬口）！西西里檸檬不但難買到，而且價錢仲好貴添（西西里$60/400g：新奇士$4/110g）。

功效：
冰糖跟陳皮都有健脾和胃、潤肺止咳作用，而檸檬可消解胃氣，咽痛喉乾，燉足13小時的老陳皮冰糖燉檸檬對喉嚨痛\咳嗽濃痰 \咽喉炎\慢性支氣管炎有顯著的改善作用。對於體內濕氣重\長用喉嚨\煙酒過多\熬夜上火也有保健作用。

~ 送禮用 ~

~ 加多件外套 ~

~ 老公嘅 ~

材料：
老陳皮　　　　1兩
新奇士檸檬　　1240g（12個）｛去兩端／白芯／核後｝
碎冰糖　　　　1400kg

其他：
食用梳打粉　　2茶匙
清水　　　　　適量
粗鹽　　　　　適量
已消毒玻璃瓶　500ml x 4

做法：

1. 清水加梳打粉拌溶，放入檸檬浸泡30分鐘（水要蓋過檸檬）。
2. 檸檬用清水洗淨，然後用粗鹽擦拭檸檬表面，再用清水洗淨。
3. 用廚紙抹乾檸檬水份，放架風乾一晚。
4. 陳皮浸泡至軟身，用刀仔刮乾淨果囊，然後清洗乾淨，用廚紙抹乾水份，放架風乾一晚。
5. 第二日，將檸檬切走兩端，然後切開一半，取走中間白芯。
6. 將檸檬切片及去核，陳皮切絲。
7. 將檸檬，陳皮，冰糖順次序放入燉盅內，然後隔水燉12小時（中途可拌勻一次）。
8. 完成後趁熱注入已消毒玻璃瓶內，蓋好立即將瓶反轉（製造真空狀態）， 整瓶完全冷卻後，反正及儲存陰涼處。

貼士：

• 如開封後，要放雪櫃儲存，而未開封的可儲存陰涼處3個月。
• 全部食材及器具都不能有一點水
• 陳皮越老，功效越好。
• 容器清洗乾淨後，用大火烚10分鐘消毒，然後抹乾及風乾。

~ 真空瓶蓋，在未真空處理前，

是可以按下的。當完成真空狀態後，

蓋是按不下的。 ~

 ~ 上：可真空，下：冇真空 ~

~ 風乾中 ~

~ 風乾中 ~

~ 今次檸檬比上次細，但就比上次貴。 ~

~ 檸檬切走兩端，然後切開一半，取走中間白芯。 ~

~ 今次新方去（去芯）比上次快好多 ~

~ 然後切片 ~

~ 檸檬去核，陳皮切絲 ~

~ 可以順序放入燉盅 ~

~ 重覆放入 ~

~ 計都冇咁準，啱啱好。 ~

~ 燉得啦 ~

~ 開始啦！待8小時後再加水及加時。（烹煮時間最長只有8小時） ~

~ 8個鐘啦！可攪拌一下，讓食材均勻，

然後再繼續燉多四個鐘。 ~

~ 顏色好靚（琥珀色），明顯比之前做法深色（濃厚），

亦聞到比之前做法香，整個廚房也充滿陳皮氣味。  ~

~ 完成啦！好深色呀！有d似薑醋。

今次燉到d檸檬同陳皮都溶晒添。

睇嚟下次要將檸檬切厚d，

陳皮切粗d至得啦！ ~

~ 👇上次真空煲燉嘅效果，顏色與今次有好明顯分別。 ~

~ 趁熱入樽至十成滿，然後立即倒轉，

待完全冷卻。 ~

~  明明裝滿晒，但反轉竟然有咁多空位，點解嘅！？ ~

~  完全冷卻後可反正 ~

~  👇上次真空煲燉嘅成品，

與今次用燉盅燉嘅顏色分別好大。 ~