今次特別為水波爐用家，詳細講解吓，如何使用水波爐代替慢煮棒，製作低溫慢煮叉燒。
呢種做法，叉燒超淋，正！
以下是水波爐慢煮方法及步驟：
梅頭放入密實袋，然後放入已注滿7成水的深容器內（袋口向上，不可入水），用手將袋按壓排出空氣，最後拉鏈封口，真空後將袋肉取出。然後將水煲至70度，放入袋肉，用夾固定袋位置。
水一定要浸過面
放入後水溫會降低
水波爐底先鋪上耐熱矽膠墊，然後再放入煲。
選擇蒸氣，調至70度，設定25分鐘（重複6次共175分鐘）。
*記得每50分鐘清盛水盤及加水
25分鐘，水溫已上升至70度。
完成後，爐底好多水。
我今次用左佳能密實袋（耐熱110度）
以下適合一般焗爐：
將肉取出，放上已鋪錫紙及牛油紙焗盤上。
＊先包兩層錫紙，再鋪上牛油紙，可避免肉黏實錫紙（反時弄穿）。
將之前留起的醃汁掃上肉面（兩面）
放入已預熱240度焗爐，焗10分鐘，取出掃上醃汁，反轉再掃醃汁，放回焗爐焗10分鐘。
＊可重複一／兩次，直至用完醃汁或夠色。
然後掃上百花蜜，燒8分鐘。取出反轉，再掃上百花蜜，燒8分鐘。
完成後，再掃一次百花蜜，待放涼後切片。
