有時見到靚菠蘿，但又吾知幾時先用到，吾緊要，照買。因為可以買定，然後做定.....鳳梨餡。只要將煮好嘅鳳梨餡，密封好（包好），然後存放冰格（可keep半年），咁就可以隨時隨地，拿起手都用到啦！
最近忙住煮奶黃，掛住做月餅，搞到冇時間做鳳梨酥，但又吾想鳳梨餡擺咁耐，所以今日終於忍吾住要出手啦！
試過幾款餅皮味道鳳梨酥，我覺得呢個同芝士粉果個都比加杏仁粉好味，大家不防試吓比較吓，睇吓同我口味係咪一樣。
餅皮材料（約20個）：
無鹽牛油 120g
糖粉 50g
鹽 少撮
蛋 40g
低筋粉 200g
吉士粉 20g
奶粉 20g
做法：
- 凍牛油切粒，加糖粉、鹽、低筋粉、奶粉及吉士粉，用手指頭搓成沙粒狀。
- 然後加入蛋液，用手指頭搓勻成糰。
- 將麵糰分割每粒20g，滾圓，可放雪櫃雪15-20分鐘。
- 取出餅皮及鳳梨餡（如大量，可先取一半，包完後再取餘下一半），將餅皮按平，包入鳳梨餡，收口向下，放入鳳梨酥模內，然後按平。
- 將整盤鳳梨酥放入雪櫃，雪30-60分鐘。
- 放入已預熱焗爐200度焗爐，焗10分鐘，取出反轉再焗10分鐘或至夠色。
- 出爐後，小心將鳳梨酥移放上涼架脫模，待完全放涼後，放入保鮮盒或包裝。
鳳梨餡材料（20粒）：
金菠蘿 2個砂糖 4湯匙
麥芽糖 4湯匙（試味加減）
做法：
- 菠蘿去皮去芯，將菠蘿肉刨／切絲，隔出汁液（可雪凍加冰飲）。
- 中細火將菠蘿加砂糖同炒至收乾汁液（約45分鐘），然後加入麥芽糖炒勻（試味），繼續炒至收乾身（冇汁）。
- 放入保觧盒或袋，待放涼後存入雪櫃，雪一晚以上才可使用。
- 製作當日，預先取出鳳梨餡，分割每粒15g，滾圓存雪櫃備用。
＜鳳梨餡做法＞
地們金菠蘿
去皮去芯，刨成粗絲，隔汁備用。
白鑊加菠蘿肉及砂糖，煮約30-40分鐘至收乾汁。
加入麥芽糖，再煮至收乾汁。
完成後，放入保鮮盒（面緊貼保鮮紙），放涼後存雪櫃（最少雪一晚）。
將鳳梨餡分割每粒20g（滾圓），放冰箱備用。
＜餅皮做法＞
凍牛油切粒，加糖粉、鹽、低筋粉、奶粉及吉士粉，用手指頭搓成沙粒狀。
然後加入蛋液，用手指頭搓勻成糰。
將麵糰分割每粒20g，滾圓，放雪櫃雪15-20分鐘。
印模後，整盤放入雪櫃雪30-60分鐘。
