大家仲記吾記得我之前去上左德國寶月餅班呀？我咪話過有得食，有得玩，仲有禮物收嘅。尋日，份禮物終於到手啦！
因為我始終都係新手（光波爐），所以我地都係｛了解中｝。為左我地有個好開始，就做一個零失敗嘅牛油蛋糕先啦！等我地感情穩陣d，再向高難度挑戰。
原來光波爐有個自動模式「蛋糕」喎！不如就試試佢比大家睇吓先啦！做法都係同平時一樣，小朋友都做到架。
用後感：
如果大家想緊買大焗爐，但又吾夠位放喎，買部細咩，又驚效果吾好喎，咁就不如考慮吓光波爐啦！因為光波爐只係比電飯煲大dd，但溫度就可以有250度咁高喎，而且仲有齊蒸／焗／燒等等模式，一般細焗爐都未必做到呀！最重要係成品效果理想，一d都吾會差過傳統焗爐，有可能仲好過添。
有優點當然有缺點啦！話晒大家信任我嗎！缺點：不太適合大家庭，因光波爐平面容量比焗爐細，一次滿足吾到大堆頭製作，所以會比效麻煩。
材料：
無鹽牛油 80g
砂糖 70g
雞蛋 2隻
低筋粉 100g
泡打粉 1/2茶匙
雲尼拿油 1/3茶匙
做法：
- 低筋粉及泡打粉過篩，牛油室溫放軟。
- 牛油加糖打至幼滑，然後逐一加入雞蛋打勻（打勻一隻後才加第二隻），加入雲尼拿油拌勻。
- 加入全部粉，用手動打蛋器拌勻。
- 將糊倒入紙杯仔，放入光波爐（低腳架），按自動模式「蛋糕」即可。
低筋粉及泡打粉過篩
牛油加糖打至幼滑
逐一加入雞蛋打勻
打勻一隻後再加第二隻打勻
加入雲尼拿油拌勻
加入全部粉拌勻
將蛋糕糊倒入紙杯仔
放入光波爐（低腳架）
選擇自動模式 ～蛋糕～
然後按開始
完成啦！
