今日同大家分享一款超簡單、零失敗、冇難度、容易做，仲係無火煮食，夏日透心涼，有樣有內涵嘅懶人甜品『啫喱粉+乳酪=甜品杯』。
今次男主角揀左啫喱粉，大家聽完會即刻問「吓！啫喱粉？吾係掛！咁普通？冇咩特別啵，咪又係啫喱！」。No！No！No！啫喱粉其實吾單只可以整啫喱，其實仲可以做出千變萬化，五星級效果嘅甜品呢！只要動下腦筋，花點心思，加點創意，就可以做出不一樣嘅啫喱甜品啦！以後，食啫喱都可以食得好精彩。
而女主角方面，我就搵嚟健美小姐＂乳酪＂，只要將男女主角好好配搭，就會上演一場好戲（色彩繽紛，顏色吸引嘅。。。夏日吸睛甜品）。
無論係氹吓自己，氹吓屋企人，招呼朋友，開party，大食會，生日會，什至用嚟呃like都好，都係一款吾錯嘅選擇，相信一定可以成為大家嘅亮點。
暑假又開始左啦！各位粉絲媽咪，有冇諗過趁住呢個假期，同囝囝囡囡嚟個親子入廚樂呢？呢款甜品一定好受小朋友歡迎。
一次過做齊三款味道，梗有一款啱胃口。
～（左）黑加侖子乳酪果凍／（中）菠蘿乳酪果凍／（右）士多啤梨乳酪果凍～
材料：
〈啫喱層〉
啫喱粉40g
滾水110ml
凍水100ml
〈乳酪層〉
啫喱粉40g
滾水70ml
原味乳酪140g
裝飾：
水果隨意
做法：
〈啫喱層〉
- 啫喱粉加滾水拌至完全溶解，然後加入凍水拌勻。
- 將啫喱液倒入玻璃容器內至4成滿，然後放入雪櫃雪至凝固。（如需要加水果，要先放水果，後倒入啫喱液。）
〈乳酪層〉
- 啫喱粉加滾水拌至完全溶解（有需要可用微波加熱15秒或隔熱水座溶），待放涼後加入乳酪拌勻。
- 從雪櫃取出啫喱杯，將啫喱液倒入杯內至8成滿，然後放回雪櫃雪至凝固。
- 完成後可放上水果作裝飾
任何味道啫喱粉
任何牌子原味乳酪
啫喱粉分成兩份（每份40g=半盒）。
一份做啫喱層
用合適器皿輔助定型
另一份做乳酪層
將乳酪層倒入已凝固啫喱面，放雪櫃雪至凝固。
凝固後，可放上水果裝飾。
第二種做法，將水果加入啫喱層內，賣相會更靚。
水果加啫喱液，最多只可至4成滿。.
凝固後效果
將乳酪層加入至8成滿，然後放入雪櫃雪至凝固。
完成後，可放上水果裝飾。
