今日包粽日，包都包到洽眼瞓呀！事關我慢慢包，足足包左三個鐘😅。
今年冇包梘水粽，亦冇包燒肉粽，只係包左35隻咸肉粽同15隻紅豆粽（冇肉冇蛋黃），總共包左50隻。
今年我再用智能煲幫手，因為真係好方便，又慳時間，最重要係效果好嗎！。用智能煲最吾好就係內膽吾夠大，吾可以一次搞掂。
我個智能煲係5公升，每次可煲到15隻粽（每次30分鐘），所以一共煲左四轉，加加埋埋總共煲左兩個鐘。
如果用明火嘅話，就要開齊兩個爐頭，烚三個鐘。明火除左煤氣費貴之外，仲要睇火，又要中途加水，廚房仲會好熱添。最最最麻煩係，阻住姐姐煮飯呀囉！哈哈。
我最鍾意包迷你粽，細細隻又得意，食晒一隻都吾會漏，仲吾怕肥添。
咸肉粽：咸肉粽做法
紅豆粽：三色豆粽做法
咸肉粽（上）紅豆粽（下）
咸肉粽
智能煲一次放到15隻咸肉粽，就想像到粽有幾細隻啦！
咸肉粽只係比紙巾長少少
而紅豆粽更迷你，只有打火機咁長咋。
