老種

我向來對麵包都吾多講究，亦冇乜研究，事關屋企人吾多好麵包，所以對麵包冇要求，只要軟熟好味就得啦！咁我就好自然冇需要高要求啦！至於什麼低發，中種，湯種，水合法，麵種等等，我真係通通都吾曉，吾係好清楚分別呀！有時亦會諗，整個麵包啫，洗吾洗攪咁多野呀！會吾會煩左d呢？！哈哈。

直至最近上左個麵包堂，材料入面加左樣「老種」，我都係第一次試咋。所以我將一真疑慮左好耐嘅問題，就襯課堂空隙時，即刻問過老師，順便學吓野。原來老種並吾係想像咁難架，而且仲好易做添。

今日襯包機吾洗做包（因今朝已出左個朱古力吐司），係時候做吓老種啦！我先用包機幫手攪左個麵團，然後分好一份份，一份放冷藏格（明天用），其餘就放晒入冰格（留番慢慢用），希望做出嚟嘅包會有大分別啦！

搓好麵團

平均每份約20或40g，放入密實盒或袋。

材料：
高筋粉　200g
水　　　130g
鹽　　　4g
速酵　　1.4g （或鮮酵4g）

做法：

1. 將全部材料搓/攪拌成麵團（起筋光滑），存放雪櫃冷藏格（4-7度）低溫發酵20小時（最多3日），就成老種了。

貼士：

1. 老種亦可隨意分成小份（如：30g，50g），存放冰格，只需做包前一日放回冷藏格（4-7度）解凍即可。
2. 計算：老種＝高筋粉20%（例：主麵團250g高粉，加50g老種）
3. 老種適合任何麵包使用