粒粒芝麻糕

今晚被阿女強迫我整野食，仲要有規限，太過份。事關明天佢要見將離開香港的朋友，所以要 "我" 做Ｄ野喎！其實，真係吾係幾明，點解？會關我事嘅！依家做阿媽真係吾易做，除左要照顧家庭（老公，仔女，姐姐）外，連朋友都要照顧埋。哈哈！算啦！冇計啦！都係開工算把啦！

因規限實在太多，首先吾可以做凍品，因行街拎住怕溶，跟住又吾可以整普通野，因冇特式，就係咁，講整咩都講左一段時間。哎呀！想我點呀？！最後，就決定整呢樣吾怕熱，又吾怕凍，仲吾怕撞得嚟又帶有香港特式，傳統而又充滿懷舊嘅『芝麻糕』啦！

＊今次芝麻粉沒有隔渣，所以會食到點點／粒粒芝麻（高纖），同以往滑滑口感吾同。

材料：（16粒）

已烘黑芝麻粉100g

水640ml

馬蹄粉120g

冰糖180g

做法：

1. 芝麻粉加水320g及糖中細火一起煮溶
2. 馬蹄粉加水320g拌勻，浸發10分鐘，然後過濾入糖水內，邊攪邊加，攪拌成微微杰身（不要變杰），離火，繼續攪拌至*芝麻糊狀。
3. 倒入糕模，大火隔水蒸20-30分鐘至熟。

*因鍋傳熱性不同，所以如太稀的話，可再加熱（不停攪拌），再離火，再攪拌至適合程度。