狀元核桃酥

記得好多年前，見到電視介紹呢款點心（小南國核桃酥），就一直留響我腦裡面。咁多年來，連間野都執埋，但都未有機會食過。直至年幾前，見谷友上堂學完，賣相又搞到我心癢癢，好想學呀！所以我就搜尋各式各樣做法，連工具都買埋，但就一直吾敢開始。因為我擔心製作很複雜，又怕步驟好麻煩。而另一原因，就係冇其中一樣材料《椰棗》。

咁啱尋日買香料時，比我見到椰棗真身啦！原來它的外貌同紅棗類同，有Ｄ似乾果。另外，老闆話我聽，椰棗營養價值豐富，不但可以當涼果吃，亦可以用嚟煲湯（代替蜜棗）。仲有，椰棗含天然果糖，糖尿病人也可以食用。不過椰棗一Ｄ都吾平，仲有Ｄ貴，一盒250g賣$28，500g賣$55架。

今日磅材料時，工人姐姐見到，仲話佢地印尼都有好多，會在新年前一個月開始齋戒，而佢地就係食椰棗充饑啦（吾食飯）！吾怪得椰棗功效話可以抵禦饑餓感啦！

我呢個核桃酥，其實冇用核桃，而係用左腰果，因我吾鍾意核桃種甘味。自家製就係有呢度好，可以彈性處理，吾鍾意就out，哈哈。

今次做完吾知仲有冇可能會再做，因為真係好嘥時間同心機，如果有幸食到嘅，真係要好好珍惜啦！

材料：

［餡料］

椰棗　　　50g

已烘腰果　60g（原用去衣核桃）

砂糖　　　13g

糕粉　　　6g

水　　　　10g

［水皮］

低筋粉65g

固體菜油15g

可可粉5g

水30g

［油皮］

低筋粉55g

固體菜油25g

做法：

1. 將椰棗切碎，核桃打碎，加其他材料混合，搓勻成團。然後平均分成6粒，壓實搓圓。
2. 將水皮材料搓至光滑及有彈性麵團，然後平均分成6粒，滾圓。
3. 將油皮材料搓勻成團，然後平均分成6粒，滾圓。
4. 將水皮碌平，包入油皮，收口。
5. 麵團用麵棍碌成牛舌形，然後由上至下捲起。
6. 再用麵棍碌平，將左右向中間摺疊成三層，用麵棍碌成薄皮。
7. 包入餡料，收口（收口時取一點麵團作裝飾邊用）。
8. 將裝飾邊貼於圓球中央，用刀在中央鎅一刀，再用鉗仔鉗上花紋。
9. 放入已預熱170度焗爐，焗22分鐘。

腰果150度焗15分鐘（不預熱）

椰棗略清洗

椰棗切碎，腰果打碎，加糕粉及糖混合。

壓實搓圓。

油皮

水皮

水皮包入油皮

碌平牛舌形

捲起

再碌平，將兩邊向入摺。

摺疊成三層

再碌平

包入餡，取一點麵團作裝飾邊用。

用刀在中央鎅一刀，再用鉗仔鉗上花紋。

放入已預熱170度焗爐，焗22分鐘。

包裝盒底有介紹椰棗功能及功效，但scan後很睇吾得清楚，所以我就花少少時間，複製照打一次給大家看看啦！

椰棗（產地：馬來西亞）

大大粒，一粒約有10g重。

（工人姐姐話佢級數屬於靚喎）

椰棗功能：

椰棗又名波斯棗、番棗、伊拉克棗，是棗椰樹的果實，《本草綱目》稱無漏子。原植物屬棕櫚科剌葵屬，椰棗產於中東、北非以及中國的福建、廣西、雲南、廣東等熱帶或者亞熱帶地區。椰棗營養豐富，富含果糖，因果糖血糖生成指數最低，所以可供糖尿病患者適量食用。除富含果糖外，椰棗還含有多種維生素、蛋白質、礦物質元素及其他營養成份，自古以來被人們視為很好的滋補營養食品。椰棗裡面浸出的糖汁經過凝結可作為調味料，常用於煮肉，甜而不膩。椰棗性甘、溫、無毒，功效是：補中益氣、止咳潤肺、化痰平喘。

椰棗功效：

1. 椰棗的成份組成幾乎都是單純果糖，非常易於消化，甚至可以是糖尿病患者的代糖。此外，脂肪及膽固醇極低，因其豐富的維他命與礦物質可以增進機能，達到健康的訴求。
2. 椰棗還能治療腸內擾動並恢復與增強腸的功能。椰棗好像粗糧一樣治療便秘。一般情況下，晚上把椰棗泡在水裡，之後揉碎成汁液服用。
3. 椰棗內含有的大量多種營養能抵禦饑餓感，適合減肥人士。
4. 椰棗具有排毒功效，清理肝臟裡的毒素和重金屬。另外，飲用椰棗汁也可治療扁桃腺發炎以及感冒、發燒。