時間過得好快，眨吓眼部水波爐又幫左我一年啦！
記得當初未買佢之前，的確考慮左好耐，因為價錢好甘吓。最後，雖然克服了金錢上嘅問題，但又到擺位問題出現啦！由於波仔實在太威猛，身型龐大，真係好難搵到容身之所呢！
考慮、研究、諗計、再三思，終於。。。哈哈！波仔赢左啦！
我地由初初相識，就好似拍拖一樣，大家每日都在談戀愛（溝通和了解），我會錫住佢（就住用），慢慢培養感情。經過時間嘅洗滌，波仔已成為我的好伴侶，而且仲任勞任怨，言聽計從，哈哈。我終於可以控制到佢啦！
現在米米家無論事務大小，都會有佢份，由佢「煮」理，絕對係我的好伴侶，冇得輸。自從波仔成功入宅，焗爐、蒸籠、微波爐，通通都冇地企，全部輸晒（我已同佢地分左手好耐啦）。
希望未來的兩年（因為續保左2年），波仔仍然聽聽話話，留響我身邊，我地繼續Sweet Sweet啦！
