懷舊馬仔（薩琪瑪）

馬仔係我兒時經常會食到嘅小食之一，仲記得當時會有小販推住木頭車，停響屋企樓下，車裡面疊滿一層層馬仔，諗起那些年，並吾多小食選舉，所以馬仔真係陪住我地長大。

不過隨著時代轉變，依家已經好難食到，就算有（奇華），都已經吾係兒時嘅味道了，真係好懷念呀！講真，其實我已經吾係好記得係咩味道啦！只記得好味。

早幾日睇電視，見到介紹手造馬仔，又被勾起我嘅回憶，見介紹好似都吾難，最難咪只係撈糖漿，哈哈。所以我就定起心盰，一定要趁今日放假試吓。

其實做馬仔，材料好簡單，糖度可以自己增減，切粒切條都冇問題。今日我用左麵包機幫手搓麵糰（8分鐘麵糰模式），真係好方便。不過因為第一次，所以做得未夠滿意，吾滿意嘅係壓得吾夠實，所以切得吾夠整齊。另外，糖漿份量爭少少，麵條切得大左少少。哈哈。

＊以下食譜份量，我已調整啱啦！

我切左兩種大細，呢個係一般size。

呢個你迷你版，比一般細一半。

材料：（8" 方模）

高筋粉　　　　　200g

雞蛋　　　　　　140g

泡打粉　　　　　4g

已烘白芝麻　　　隨意
已烘腰果　　　　隨意

手粉：

低筋粉　　　　　適量

糖漿：

砂糖　　　　　　120g

麥芽糖／蜂蜜　　120g

熱水　　　　　　100g
*如喜歡黑糖，可改用砂糖80g、黑糖80g、麥芽糖80g

做法：

1. 高筋粉，泡打粉加雞蛋搓勻至光滑麵糰，用保鮮紙包好，靜止20分鐘。
2. 將麵糰碌平（2mm厚），然後切開（1cm闊），再切成幼條（2mm幼條），麵條撲滿低筋粉（避免麵條癡埋）。
3. 燒熱油鑊，分批將麵條炸至硬身及金黃，撈起瀝乾油份，備用。
4. 麥芽糖，砂糖及熱水放入鑊／鍋中（煲太深及窄，會比較難撈），中火煮至起泡沬（全程不可攪拌）。
5. 將糖漿拌勻，然後轉細火，繼續煮至可拉絲（可用溫度計測試120度）。＊如太稀，馬仔會淋。太杰，就會好難撈勻。＊
6. 熄火後，先加入芝麻，然後再倒入麵條，趁熱快手撈勻（凍了會撈吾勻）。
7. 倒入已鋪牛油紙焗盤／容器內，用陰力壓實（要夠實，否則成品鬆散）。
8. 最後，在馬仔面放上腰果（壓實），待放涼後，用利刀將馬仔切件即可。

腰果洗淨及抹乾，放入（不預熱）150度焗爐，焗15-18分鐘，放涼備用。

高筋粉，泡打粉及雞蛋搓至光滑麵糰（約5-10分鐘）。

完成麵糰後，靜止20分鐘。

麵糰表面撲上低筋粉，然後碌平。

碌至2mm厚

切幼絲／粒，然後撲滿低筋粉（避免癡埋）

燒熱油

小心放入麵條（吾好似我被油彈襯，工傷呀！嗚嗚嗚！）

中火炸至浮起（忌細火，會索油），用筷子攪拌下。

瀝乾油份（可用廚紙幫手）

炸起麵條表面乾爽，吾會油淋淋。

麥芽糖

麥芽糖加砂糖

再加熱水，不要攪拌。

中火煮至泡沫後，可以拌勻。

轉細火繼續煮至120度

熄火，先加入芝麻，然後再倒入麵條，趁熱快手撈勻。

倒入已鋪牛油紙焗盤／容器，然後陰力壓實（吾夠實切開會散）。

面放上腰果，待放涼後，用利刀切件。

可隨意切成自己喜歡的大細。