巴斯克焦香芝士蛋糕 Basque Burnt Cheesecake (軟心)

一款紅透2019網絡界嘅｛巴斯克焦香芝士蛋糕Basque Burnt Cheesecake｝，估吾到現在2020，仍然持續這股熱潮。

一款面燶燶，黑漆漆，外型粗糙，又吾靚仔嘅蛋糕，點解可以吸引到萬千網民跟風同追捧呢？

其實舊年facebook已有很多group被它洗版，但我都一直沒有動心。直至最近，阿女忽然話想試，仲每隔兩日問一次"幾時整"。

為左吾再日日比人追數，好啦！今日就做比你(阿女)食啦！

其實都係第一次做吾係靠樣嘅蛋糕咋，哈哈。

室溫放涼

伯爵茶芝士蛋糕（凍餅）

今年為老公準備嘅生日蛋糕，比往年有Ｄ吾同，就係冇左生果裝飾啦！因今年疫情關係WFH（在家工作），所以除左要返Office嘅日子外，我都冇出家門。

蛋糕材料都是預早買定，又或者屋企已有儲備，唯獨裝飾嘅生果就冇得買定，所以就要轉個方法啦！

雖然冇生果，但朱古力其實都好色彩繽紛啫。不過最估佢吾到嘅係.....M&M竟然會甩色囉，明明廣告話只溶響口吾溶響手架，咁即係違反商標說明啦！嘻嘻。

今次就當特別效果啦！真係意想不到。哈哈。

日式原味芝士蛋糕 (4S)

第一次試4S焗日式芝士蛋糕，呢款蛋糕係阿仔同阿女最鍾意嘅芝士蛋糕款式，但就吾係我最愛，因我鍾意芝士凍餅多d。

見好多谷友用4S焗蛋糕，都會攝筷子響爐門邊，所以我都試吓跟，睇吓效果係咪真係咁靚先得 (因為我之前焗過2次蛋糕都失敗)。

雖然買左4S兩個月，但仲有好多嘢未試，所以依家趁有時間，都想試多d佢嘅效果。尋晚我就試左蒸飯，效果都好滿意。

材料：

忌廉芝士　200g（室溫）

無鹽牛油　40g（室溫）

蛋黃　　　4隻

檸檬汁　　2茶匙

低筋粉　　40g

粟粉　　　20g

牛奶　　　200g（室溫）

蛋白　　　4隻

砂糖　　　60g

做法：

1. 忌廉芝士及牛油放大盤內，隔60度熱水，用電動打蛋器打至幼滑。
2. 將蛋黃分4個加入打勻，然後加入檸檬汁打勻。
3. 加入已篩低筋粉及粟粉拌勻
4. 將牛奶分3次加入打勻
5. 蛋白慢速打散，然後轉高速打至泡沫狀，將糖分3次加入打勻，打至7成企身（提起蛋白霜寫字，字形可保持3秒不消失）。
6. 將半份蛋白霜加入蛋黃糊內拌勻，然後再加入餘下蛋白霜拌勻。
7. 麵糊從高處倒入蛋糕模內，然後將模敲2下，將蛋糕模放入深盤內。
8. 深盤注入水至蛋糕模2/5高，放入已預熱150度焗爐，焗60分鐘或至熟。（4S秘訣：爐門邊要攝＊筷子，因須疏氣。）

＊我用矽膠墊，因耐高溫，而且物料不會損壞爐門。

芝味牛油蛋糕

突然其來的8號風球，冇預期的半日假期，真係有d無聊，哈哈。

我又點會坐得定，梗要搵d嘢嚟做先安樂，嘻嘻。

因為屋企有忌廉芝士，所以就試左個新食譜，懶人版士蛋糕，希望屋企班白老鼠鍾意啦！

原味日式芝士蛋糕

話咁快，又過完年啦！不過，依家過年，真係越來越冇過年氣氛。

過完年，一切回復正常，又再繼續有焗。今日無無聊聊，咪順便消滅埋舊芝士囉。又要簡單，又要啱仔女口胃，所以就整左個日式芝士蛋糕啦！因呢款芝士蛋糕，比較受仔女歡迎。

日式焙茶芝士蛋糕

其實之前都做過日式焙茶芝士蛋糕，但今次就轉左焙茶包代替焙茶粉，茶包味道比粉淡，但味道都一樣好。

今次同時亦轉用左Raskas忌廉芝士（文華酒店專用芝士），芝士味比Kiri濃，但就吾夠Kiri軟滑，不過價錢會比較大眾化。

Tiramisu（無蛋）

吾知點解阿女咁鍾意食呢款蛋糕，可能係我整得太好味掛，哈哈！

話說好多個月前（可能有半年），阿女落order要我整Tiramisu，不過我就一直都冇整到。就算買左Mascarpone返屋企，但結果都係整左第二款甜品，真係激死佢，哈哈。

呢個Tiramisu雖然冇外表（造型），但勝在有內涵。次次做完呢款蛋糕，阿仔同阿女都迫不及待想即刻食。洗吾洗咁心急呀？！

日式抹茶芝士蛋糕

病左足足半個多月啦！連醫生都睇過3個，一共睇左5次醫生。好彩呢兩日終於都好番好多，係時候復出啦！不過，我當然吾會做得咁複雜，只係做個簡單芝士蛋糕咋。

原本係想做Tiramisu，但屋企冇手指餅，又吾想焗蛋糕做個夾心，所以就轉左做日式芝士蛋糕啦！

今日吾想做原味咁普通，所以就玩吓花臣，做夠三款味道，分別有抹茶，朱古力同鴛鴦。

日式焙茶芝士蛋糕

月餅節過左，一切又回復正常啦！今日趁住十一國慶，就做個蛋糕慶祝吓啦！

呢個蛋糕除左可以做原味，其實仲可以做抹茶味（抹茶粉），咖啡味（咖啡粉），朱古力味（可可粉），芝麻味（點芝麻粉）等。

大家估吓今日我做左咩味？就係焙茶味呀！不過大家吾好問我邊度買喎（焙茶粉），因為我都吾知，因為係朋友日本手信嚟架，哈哈！

做法按此

＊其他味道，只須減低筋粉4-6茶匙，然後加入其他粉（如：抹茶粉、咖啡粉等）代替。

藍莓乳酪芝士蛋糕（焗）

話說阿女話想星期四整檸檬乳酪芝士蛋糕，我見噚晚個個都吾返嚟食飯，個廚房比較清閒，咁我咪早一日整定先囉，應該都擺得嘅，多一日啫。

點知今朝收到阿女whatsapp，佢話其實係佢想整蛋糕，吾係想我整蛋糕，唉！擺左烏龍添。算啦！佢吾要咪我自己派囉街坊囉，哈哈哈。

因為買吾到檸檬乳酪，所以就買左藍莓乳酪，其實鍾意咩乳酪咪用咩乳酪囉，冇所謂，最緊要自己啱食。

重點係我鍾意食乳酪多過酸忌廉，而且感覺好似又健康D（其實芝士蛋糕都係肥），原來乳酪配芝士蛋糕又幾夾喎。

今次做左8"模份量，估吾到竟然做到8個細模。

日式芝士蛋糕（麵粉版）

第一次加麵粉做日式芝士蛋糕，無論係外型或者質感，其實分別都不大。

咁多款芝士蛋糕，我最吾好就係日式芝士蛋糕，但對仔女反而就最鍾意。其實我比較鍾意食芝士凍餅，因有消化餅低，又有海棉蛋糕夾心，食起嚟冇咁漏（如：雲石芝士，生果芝士）。

今次蛋糕同過往一樣，一樣爆面，嗚嗚嗚！水波爐焗蛋糕始終都爭Ｄ，如果有時間可以試多幾次（可惜我冇quota），掌握啱爐溫同時間，應該會有改善。其實做到咁我都滿意啦（自我安慰）！哈哈。

＊女話鍾意今次質感／口感多d，乾身d，冇以往咁濕潤，但芝士味吾夠。所以下次我會繼續用呢個食譜，但就會買番Kiri忌廉芝士。原來真係一分錢一分貨，食得出架。（今次二德惠買隻MG，吾掂。）