土鳳梨酥 (4S)

第一次用4S焗鳳梨酥，效果比水波爐好得多，吾會焗到出晒油。

其實個餡已是10月時做的，不過一直都懶吾願郁。今日終於的起心肝，係時侯要做Ｄ嘢啦！但今日只做一半，留番一半遲D再做，吾想一次做咁多，食住15個先啦！

土鳳梨酥＞做法按此

鳳梨餡＞做法按此

鳳梨餡

今日25/9星期五，是日放假一天，先去銀行處理吓帳戶，然後再去和富fusion shopping吓，睇吓有冇荀貨。一入門口，就見到又平又大又新鮮嘅地們金菠蘿，最後忍吾住買左3個。結果shopping就要在此結束。因為拎住3個菠蘿，邊度都吾洗去啦！哈哈。抬住3個大菠蘿返屋企，沿途只能掂行掂過，專心向前，因為我實在無力挽了，哈哈。

幾經辛苦，終於安全返到屋企，不過雙手已吾屬於自己啦！實在太重，太重，太重呀！以後買嘢真係要量力而為，吾好再做傻事啦！嗚嗚嗚！

希望放多兩日，等菠蘿熟Ｄ，就可以做定鳳梨餡，等遲Ｄ放長假，就可以做鳳梨酥啦！

後記：今日1/10（星期四），尋晚30/9（星期三）終於等到菠蘿熟啦（估吾到要擺咁耐）！可以開工做鳳梨餡啦！不過其中一個仲未熟，所以只係做左兩個。

如見到靚菠蘿，我會買嚟做定餡，等遲D想食鳳梨酥嘅時候，就可以即時有得用。

待鳳梨餡雪一晚後，我會用保鮮紙包成條狀，再放入真空袋，然後抽真空放入冰箱儲存（可保持新鮮又吾怕串味）。

腰果奶露

第一次煮腰果露，估吾到又幾好味喎（比想像中好）。以前一直都覺得腰果味淡，如做糖水驚吾夠香濃，所以一直都只係煮芝麻糊或合桃露。試過今次後，以後又多樣選擇啦！

今次用嘅係印度腰果，冇過濾過，所以會食到微細腰果粒，如果介意的話，亦可以用篩過濾隔渣一次先煲。

伯爵茶奶凍（無火煮食）

伯爵茶甜品係阿女至愛，所以無論我做乜，只要加左佢（伯爵茶），阿女就實捧場。

其實旱幾日已整過一次，因為用左模，竟然脫吾到，搞到樣衰衰，所以冇post到。今日再嚟一次，用番個樽裝，咁就冇問題啦！仲做左兩杯外賣請人食添。

呢個甜品好簡單，吾洗開火，只要用微波爐加熱就搞掂，認真快靚正。

貓爪大菜糕

最近真係好懶，完全冇心情／動力去整嘢食，如果吾係為左個模，應該都吾會肯郁呀！

橫掂都整開啦，就整夠三隻色啦！其實事前我都冇諗過要做色架，只係煮溶大菜後，想搵d嘢玩吓。咁咪隨意抓吓，見屋企有咩咪加咩囉。哈哈。

嘩！期待嘅畫面出嚟啦！真係好靚呀！

（白色＋花奶／紅色＋紅桑子粉／綠色＋綠茶粉）

材料：

大菜絲　10g

水　　　600g (偏實) 900g (偏淋)

蔗冰糖　90g (900g水 : 130g糖)

做法：

1. 大菜絲，糖，水同煮溶。（如喜歡其他味道，可加果粉或茶粉，亦可加椰汁代替部份水，也可改用其他糖。）
2. 倒入模具，放入雪櫃雪至凝固即可食用。

拉爺糕

第一次用自家種班蘭葉（媽咪朋友送），其實味道同印尼鋪買嘅冇分別，只係外型窄D短D，味道淡D（要用雙倍份量），同埋成品顏色暗沉D啫。

今次嘅拉爺糕，因為吾夠材料，所以只夠做一隻顏色，冇得間色啦（其實懶就真）！大家覺吾覺（其實好明顥）D糕一點點呢（葉渣）？吾知係咪打得吾夠爛？又或者隔得吾夠幼細？不過吾緊要啦！最緊要好食啫！哈哈。

椰皇鮮奶燉蛋白

記得第一次整呢個甜品，已經係4年前嘅事啦！因為當時係為左試水波爐，估吾到一隔就隔左4年啦！

由於當時仲未成立網誌(blog)，所以連食譜都未出過。襯住今晚重溫，我就順便寫番個食譜記綠低啦！

點解無端端我會做呢個甜品呢？是咁的，因為尋日下晝，阿女突然whatsapp我，話想食椰皇燉蛋白，咁媽媽我就話不如買椰青水燉算啦！點知阿女回覆我，其實呢個甜品"椰皇"先係重點呀！哈哈(咁又係)。所以今日放工買齊材料，返到屋企立即行動。

有圖有真相，4年前嘅作品。找錯處。。。。。椰皇倒轉左開，所以好難開，哈哈。

伯爵茶奶凍

之前都講過，阿女係伯爵茶控，所以伯爵茶甜品又點少得呢！吾想成日都係伯爵茶蛋糕，今次就轉吓食法啦！

材料簡單，做法簡單，連火都吾洗開，最啱想懶又想食甜品嘅你（包括我）。講過秘密你知啦！其實伯爵茶我只會用嚟做甜品，吾會用嚟飲架。想起以前，我直頭連甜品都吾會試添。

因為屋企盒牛奶今日到期，所以要諗辦法用晒佢，吾要做大嘥鬼。

芋圓

首先，我個人就吾好芋圓嘅，因為覺得佢只係一舊冇味嘅粉糰，其實有咩好食啫，所以記憶中，只係做過一次，而且仲係食吾多過三次。

咁點解今日我又會做呢？咪全因阿女囉，尋晚兩母女對話如下：

女：不如你試吓做芋圓呀！

媽：不如你自己做啦！好易之嗎！

女：都好喎，好似好好玩。

媽：咁聽日買材料比你做啦！

女：好呀！我想做芋頭（淡紫灰色）同蕃薯（橙黃色），仲可以做埋紫蕃（深紫色）。

媽：做住兩樣先啦！好食嘅下次再做三樣啦！

就係咁，今晚有芋圓食啦！不過.....結果.....最後.....咪又係阿媽（我）做。

估吾到今次嘅芋圓竟然有驚喜，佢嘅質地同味道都吾錯，QQ地，煙煙un un，下次可以繼續。

＊一連兩晚試齊熱同凍，我自己個人就比較鍾意熱多D啦！

凍食（仙草芋圓）

熱食（加薑茶）