Facebook專頁停用

今日有個壞消息要向大家宣佈，就係我嘅Facebook帳戶同page都被Facebook無故停用了。

所以暫時我會響Facebook消失，希望會有奇蹟出現，可以再同大家見面。

如果我地有緣嘅話，希望你地會見到呢個通知啦！

乾濕兩用抽真空封口機

因為換左部「惠而浦4S」蒸焗爐，可以純蒸3小時也無須加水/倒水，所以就買過部新抽真空機啦！希望日後可以慢煮餸菜更方便。

由於舊果部抽吾到帶汁液材料，所以一直只可用密實袋真空，效果當然吾太理想啦！不過都冇辦法，唯有頂住先。

為了慢煮有更佳效果，經多翻折騰後，最後終於在新年前，決定添置左呢部抽真空機啦！

想買嘅朋友，可以參考吓 ( 按此 )

抽真空無須打開蓋，只須將袋口平放入正面入口，按所須模式，然後便會自動操作(蓋會壓下抽氣/封口)至完成(蓋會鬆開)。

左面有粒開關制，可打開機蓋清潔內部。

內有活動糟，可取出清洗。

濕抽後，液體會吸入糟管內。

多款模式選擇

{ 點抽 }

避免乾抽令包裝變形，所以要選用點抽 (須接住按一次封口)。

{ 乾抽 }

{ 濕抽 }

糟位好乾淨，一滴汁液都冇。

再試濕抽羊架

{ 濕抽 }

發菜炆冬菇

因冬菇多汁，所以抽出少許汁液。

蘿蔔糕必備武器~蘿蔔刨

下面呢個神器，係早幾年睇電視見Gigi姐教整蘿蔔糕，而佢就係用緊呢個刨（出私伙拍節目），又講到呢個刨好好用，係佢去上海時買的，仲話跟左佢好多年添。

聽完佢講，我都吾執書，即刻淘左兩個返嚟（一個比奶奶）。自始以後，我就一直用呢個刨嚟刨蘿蔔絲做蘿蔔糕啦！其實神器除左刨蘿蔔絲外，平時都好有用架，例如刨土豆絲同芋絲。土豆絲我會用嚟炒肉絲，芋絲就會混入鯪魚膠內，然後煎鯪魚餅。

可能日子有功，神器係時候退役啦！因為釘已開始鬆脫，所以唯有重新買一個。今次我買左個大孔少少嘅神器，因為我想蘿蔔粗身少少，增加及豐富口感。

左：7mm（新）／右：5mm（舊）

想買嘅粉絲們，可以試吓去上海街睇吓，又或者學我淘寶買，但最緊要睇番時間趕吾趕得切新年前到喎（刨絲器）。

2017中秋節及追月

今年同老爺一家提早做食左中秋飯，所以正日冇飯局，咁咪自己煮番餐囉，梗係要食餐好Ｄ啦！四餸一湯，一Ｄ都吾失禮架。

今日追月就食餐簡單Ｄ啦！吾知會吾會比人炸型呢？

中秋節晚飯

［豆腐豆卜炆燒腩仔］

［西蘭花炒帶子］

［天白花菇扒菜胆］

［大澳蝦醬炸雞］

［眉豆花生栗子章魚雞腳煲西施骨］

追月晚飯

［墨汁墨魚虎蝦意粉］

德國寶光波爐『奶黃月餅工作坊』

今日好開心被德國寶邀請出席『奶黃月餅工作坊』，地點雖然遠Ｄ，但好在有巴士直達咋。今次場地係土瓜灣德國寶專門店嘅開心廚房，廚房非常舒適，佈置白色為主，好簡潔優雅。而工作人員態度十分友善，就連JP都出埋嚟同我地逐個打招呼，然後再親身帶我地參觀陳列室，仲影埋大合照（課堂前後）添，一Ｄ架子都冇。

今日玩得好開心，有得玩，有得食，仲有禮物收，超級正呀！最。最。最開當然係得到老師同其他參加者嘅激讚啦！不過我真係又做得幾好嘅，抵我比人讚。哈哈。

講真，我咁大個女都係第一次用光波爐咋，原來爐仔細細，但表現一Ｄ都吾會比焗爐遜色，真係好適合一般小家庭。

德國寶御用教煮

入爐前（用淨麵糰吾好嘥，整埋曲奇）

出爐啦！完全冇裂冇爆，簡直喜出望外。（連老師都讚我做得最靚，開心死。）

業績報告

網誌已13個幾月大啦！心多謝大家的支持，我會繼續努力和嘗試，創造更多美食與大家分享。

網誌衝破十萬瀏覽次數

好開心，亦好感恩，我在建立網誌短短個半月來，竟然可超出十萬次瀏覽次數，真的好像發夢般，簡直不可思意。在這再次衷心多謝大家一直以來對我嘅支持和愛護。

記住，你們的每一個like，每一句留言，都是我繼續向前的強心針和主要動力。

希望大家繼續為我打氣，我會繼續努力！Fighting！！！！！

Facebook 粉絲專頁一周年

當年今日，無厘頭開左個粉絲專頁，估吾到竟然有這意想不到的收穫，成績實在令我驕傲和振興，冇辦法吾比個like自己呀！哈哈。

大家估吾估到我點解要開專頁呢？話說我英國嘅妹妹，見我平時咁愛整野食，所以佢經常會叫我放上網賣，又push我開個blog，等人搵吓我做代言人，幫人做推廣，賺吓廣告費或贊助等等。仲話我寫中文，佢幫我翻譯英文添，好想好想搞大佢咁（妹妹咋）。但我其實一直都冇打算將自己製成品出售，只是自娛啫。更加冇諗過有人會找我做代言添。

不過開Blog我真係吾識搞，亦冇乜心去搞，鬼叫我係電腦白痴咩！嗚嗚嗚！其實我本身係好怕煩，吾鍾意諗野，怕諗得多會傷身呀！哈哈！同時亦吾想凡事要求人，因我為人心急，話要即要吾等得，所以喜歡靠自己，親力親為。最後，我只係開左個頭，就被嚇怕失蹤了，嘻嘻！跟住咪Hea左響度囉！

於是我就盲蹤蹤走左去Facebook發展啦！學人開左個粉絲專頁，並由當時「烹飪」轉為現在的「個人部落格」了。真係從冇諗過，亦冇估到可維持到今日呢！

激發我有衝動開頁嘅最大原因，係由我被趕出一個麵包谷開始。被Delete嘅原因就無謂多講，只怪小人（管理員）當道，可能我太受歡迎，搶了她的風頭吧，哈哈。不過這小人亦難途一刧，害人終害己，最終都係out 。雖然谷主有邀我吃回頭草，不過我的心已碎，亦吾想再受傷害。（始終人地個場，吾係自己地頭。）

自始之後，我就忘記過去，重新振作，的起心肝，立定志向，建立一個屬於我嘅「煮埸」。自此之後，我立即升呢，變了CEO，管理員，同埋唯一控制員。以後講乜post乜冇難度。回想起，我有今日真係要多得果位管理員添。

講番個Facebook專頁，係就係方便啦！不過想搵野果時，連我都覺得頭癢。有時要搵其中一樣食譜時，真係要由頭碌到落尾架。最慘係一個吾好彩，仲搵佢吾到添。

所以由2016年3月開始，我就記起有個Blog，於是我就從投它的懷抱了（吃回頭草）。我一步一步慢慢再研究、嘗試、探索和設計。由日到夜，由夜到日，不停捕住部電腦。為左個Blog，將我原來嘅正常生活搞亂晒，除左冇得睇電視外（好彩冇野好睇），仲連覺都瞓少好多呢！所唯萬事起頭難，真係冇講錯架。

搞吓搞吓又運作左個幾月啦！一切也總算順利。相信FB專頁很快就會衝出一萬個讚，而Blog也會突破十萬瀏覽量。能夠在這短短的日子裏，累積到咁多支持者愛戴，真的令我超興奮。

最後，再次多謝大家，記住要繼續追蹤我呀！

26/4/2015

25/4/2016

封口機+封口袋

買呢部封口機，係為左包裝鳳梨酥用，因為我著重包裝/外表，正所謂人靠衣裝，物靠金裝嗎！

為左令整件事配合得更完美，無論係模具，封口貼或包裝袋，我都是精心挑選過。

俗語有話：「工欲善其事，必先利其器。」所以我就買左呢部巨型封口機啦（我覺得好大部，考慮左好耐）！

之前封鳳梨酥袋，封得好靚，但其他袋就封吾到，因會溶。後嚟知道原來並吾係任何袋都封得，所以最近淘左兩款啱用嘅袋試吓。

今日就試左封Brownies，好OK呀！冇溶到，仲封得好密實添。正！

水波爐一周年回顧

時間過得好快，眨吓眼部水波爐又幫左我一年啦！

記得當初未買佢之前，的確考慮左好耐，因為價錢好甘吓。最後，雖然克服了金錢上嘅問題，但又到擺位問題出現啦！由於波仔實在太威猛，身型龐大，真係好難搵到容身之所呢！

考慮、研究、諗計、再三思，終於。。。哈哈！波仔赢左啦！

我地由初初相識，就好似拍拖一樣，大家每日都在談戀愛（溝通和了解），我會錫住佢（就住用），慢慢培養感情。經過時間嘅洗滌，波仔已成為我的好伴侶，而且仲任勞任怨，言聽計從，哈哈。我終於可以控制到佢啦！

現在米米家無論事務大小，都會有佢份，由佢「煮」理，絕對係我的好伴侶，冇得輸。自從波仔成功入宅，焗爐、蒸籠、微波爐，通通都冇地企，全部輸晒（我已同佢地分左手好耐啦）。

希望未來的兩年（因為續保左2年），波仔仍然聽聽話話，留響我身邊，我地繼續Sweet Sweet啦！

網誌正式啟動日

話說在建立Facebook粉絲專頁之前，其實我係諗住開個Blog。但當我建立了Blog之後，就被它的內容文字嚇退了。最後，在無助之下，唯有選擇了「面書」的懷抱。

直至今日【2016年3月3日】，我終於的起心肝同勇氣，正式編寫我的私家《Blog》。網誌內容會與專頁差不多，點解我仲要開多個？因為發現舊貼文經常會不翼而飛，而且Fb搜尋舊貼文也比較麻煩，要碌來碌去，碌上碌落。但Blog就簡單方便得多，只要揀啱分類，就可容易搜尋得到。由於網誌今天才開始，所以須要比d時間我，我會慢慢補回舊貼文來豐富網誌內容。

 *3月3日前貼文，都是我的舊作。*

樂聲牌麵包機

自從樂聲牌出港版第一部麵包機開始，我就一直跟「潮」（潮流）換「代」（最新一代）。

由最初SD-PM104、SD-PM105、SD-PM106、到現在SD-PT1001，全部都係我池中物。吾好誤會呀！我並非集郵，只是貪新忘舊啫，我係等賣出部舊機，再買部新機架。

記得第一次學人上Yahoo拍賣104，竟然第二日就完成交收，快到呢。到第二次，我就在麵包機群組放售，點知仲快，在臨瞓前（12點）貼文，第朝瞓醒（9點）一開機，嘩！好多留言呀！我亦逐一回答，整個過程超乎想像的怏，不足11小時已完成交收呢。當時的買家，已成為了我的粉絲了。

最後到106啦！又會點呢？今次再響麵包機群組放售，今次反應比之前慢／少，還有不少人壓價（可能麵包機已普及），所以銷程告急，全程用了兩日才完成交收。而今次的買家，竟然巧遇我專頁粉絲呢（我並冇在專頁放售）。！

希望未來兩年，樂聲吾好再出新型號麵包機啦！否則。。。我又。。。怕不能自控。